బిగ్ బ్రేకింగ్: రాధే శ్యామ్ సినిమా నుండి అదిరిపోయే అప్డేట్..!
దర్శక ధీరుడు రాజమౌళి తెరకెక్కించిన బాహుబలి సినిమాతో ప్రభాస్ పాన్ ఇండియా స్టార్ గా ఎదిగాడు, ఆ స్టార్ డమ్ ను కాపాడుకునే ఉద్దేశంతో ప్రభాస్ కూడా వరుస పాన్ ఇండియా సినిమాల్లో నటిస్తున్నాడు. అందులో భాగంగా ప్రస్తుతం ప్రభాస్ నటించిన సినిమా రాదే శ్యామ్, ఈ సినిమా కు జిల్ ఫేమ్ రాధాకృష్ణ దర్శకత్వం వహిస్తున్నాడు ఇప్పటికే ఈ సినిమా షూటింగ్ పూర్తి కావడం తో ఈ మూవీ ని సంక్రాంతి కానుకగా జనవరి 14 వ తేదీన ప్రపంచ వ్యాప్తంగా విడుదల చేయబోతున్నట్లు చిత్ర బృందం కొన్ని రోజుల క్రితమే అఫీషియల్ గా ప్రకటించింది, ఈ సినిమా విడుదల తేదీ దగ్గర పడటంతో ఈ చిత్ర బృందం ప్రమోషన్ ల స్పీడ్ పెంచేసింది. ఇప్పటికే ఈ సినిమా నుండి కొన్ని ప్రచార చిత్రాలను, టీజర్, పాటలను చిత్ర బృందం విడుదల వీటికి జనాల నుండి అదిరిపోయే రెస్పాన్స్ రావడం మాత్రమే కాకుండా ఈ సినిమాపై ఉన్న అంచనాలను పెంచాయి.
రాదే శ్యామ్ చిత్ర బృందం తాజా గా మరో అప్డేట్ ను తెలియజేసింది, రాదే శ్యామ్ సినిమా నుండి సంచారి అనే సాంగ్ టీజర్ ను ఈ రోజు ఒంటి గంటకు విడుదల చేయబోతున్నట్లు చిత్ర బృందం అఫీషియల్ గా ప్రకటించింది. ఇప్పటికే ఈ సినిమా నుండి విడుదలైన పాటలు జనాలను ఎంతగానో అలరించడం తో ఈ సాంగ్ కోసం కూడా ప్రభాస్ అభిమానులతో పాటు మామూలు జనం కూడా ఎంతో ఆసక్తిగా ఎదురు చూస్తున్నారు. ఇదిలా ఉంటే ప్రభాస్ ఈ సినిమా తో పాటు సలార్, ఆది పురుష్, ప్రాజెక్ట్ కే సినిమాల్లో నటిస్తున్నాడు, వీటి తో పాటు సందీప్ రెడ్డి వంగా దర్శకత్వం లో స్పిరిట్ అనే మూవీ లో నటించడానికి ఇప్పటికే ప్రభాస్ గ్రీన్ సిగ్నల్ ఇచ్చాడు.