ప్రకాష్ రాజ్ ద్వంద్వ వైఖరితో "మా" కు మకిలి పట్టనుందా?
ప్రచారంలో భాగంగా ఇరు వర్గాల వారు దూషించుకున్నారు. అయితే ఇక్కడే వివాదాల స్థాయి మరింత పెరిగింది. అయితే పవన్ కళ్యాణ్ రిపబ్లిక్ మూవీ ప్రీ రిలీజ్ ఈవెంట్ లో చేసిన వ్యాఖ్యలతో మా ఎన్నికలపై ఉత్కంఠ పెరిగిపోయింది. అసెంబ్లీ ఎన్నికలు ఏ విధంగా హైప్ ఉంటుందో, అలా ఎలక్షన్ వరకు సాగింది. ఎట్టకేలకు ఆదివారం జరిగిన ఎన్నికలలో విష్ణు అధ్యక్షుడిగా గెలుపొందారు. అయితే ఈ గెలుపును తట్టుకోలేని కొన్ని వర్గాలు విష్ణును పలు రకాలుగా విమర్శించారు. అయితే ఈ ఎన్నికలో ఓడిపోయినా ప్రకాష్ రాజ్ మీడియా ముందు మా సభ్యత్వానికి రాజీనామా చేశానని, మా సభ్యులు అందరూ నన్ను కాదనుకున్నారు. కాబట్టే నేను "మా" కు రాజీనామా చేసానని తెలిపారు. అయితే నిన్నటి వరకు నేను మా లో లేనప్పటికీ ఎవ్వరూ ఎటువంటి సహాయం అడిగినా చేస్తాను అన్నారు.
మీడియా ఈ సందర్భంగా మీరు బయటికి వచ్చారు కాబట్టి ఏదైనా గ్రూప్ సెపరేట్ గా పెడతారా అన్న ప్రశ్నకు...ఛీ ఛీ నేనలా చేయను. మా ఎప్పుడూ ఒకటే ఉంటుంది అన్నాడు. కట్ చేస్తే ఇవాళ... ప్రకాష్ రాజ్ ప్యానెల్ లో గెలిచినా 11 మంది సభ్యులు రాజీనామా చేశారు. విష్ణు తో కలిసి పనిచేయడం కుదరదని తేల్చేశారు. మరి నిన్న ఒకమాట, ఇవాళ ఒకమాట మాట్లాడిన ప్రకాష్ రాజ్ పై తెలుగు ప్రేక్షకులు విమర్శలు కురిపిస్తున్నారు. ప్రకాష్ రాజ్ మూలంగా మా రెండుగా చీలిపోతుందని ఇప్పటికే చర్చలు జోరుగా జరుగుతున్నాయి. ప్రకాష్ రాజ్ వ్యవహరిస్తున్న ఈ ద్వంద్వ వైఖరి "మా"కు ఇంకెన్ని కష్టాలు తెస్తుందో చూడాలి.