సాయి పల్లవి కన్నా నాగ చైతన్య నే అదరగొట్టాడట.
ప్రేక్షకులు ఎన్నో అంచనాలు పెట్టుకున్న లవ్ స్టోరీ చిత్రం ఈరోజు ప్రేక్షకుల ముందుకు రాగా ఈ సినిమాలో మొదటి నుంచి సాయి పల్లవి నటన పై డాన్స్ పై అందరూ ఎన్నో అంచనాలు పెట్టుకోగా అందరికీ షాకిచ్చేలా అక్కినేని నాగ చైతన్య సాయి పల్లవి కంటే ఎక్కువ అద్భుతంగా నటించి ప్రేక్షకులను ఎంతగానో అలరించాడని చెబుతున్నారు ప్రేక్షకులు. ముఖ్యంగా నటనలో మంచి పరిణితి కనబరిచాడు అక్కినేని నాగ చైతన్య. సాయి పల్లవి డాన్స్, నటన ఏ రేంజ్ లో చేస్తుందో గత చిత్రాల ద్వారా తెలిసింది.
కానీ ఈ చిత్రంతో ఆమె కు మించిన ప్రదర్శన ఇచ్చి అక్కినేని నాగ చైతన్య ఎంతగానో సర్ప్రైజ్ చేశాడు. మొదటి నుంచి అక్కినేని నాగచైతన్య నటన లో కొంత ఇబ్బంది ఉంది కానీ మజిలీ చిత్రం ఆయన కు ఉన్న ఆ ఇమేజ్ ను తొలగించి నటనలో తన తాను ఎంత పరిణితి చెందాడో ఆ సినిమా తో చాటి చెప్పాడు. ఇప్పుడు లవ్ స్టోరీ చిత్రంతో మరోసారి తనని తాను నిరూపించాడు. మొత్తంగా సాయిపల్లవి ని చూద్దామని వచ్చిన ప్రేక్షకులు అక్కినేని నాగ చైతన్య అద్భుతమైన నటన కు ఫిదా అయిపోయి సినిమా థియేటర్ల నుంచి వెళ్లి పోతున్నారట.
డాన్స్ లో కూడా ఆయన గొప్ప ప్రతిభ ను చూపించాడని తెలుస్తుంది. ఏదేమైనా అక్కినేని నాగచైతన్యకు మంచి హిట్ పడడమే కాకుండా నటుడిగా 100కు 100% మంచి సంతృప్తినిచ్చిన సినిమా గా మిగులుతుంది అని చెప్పవచ్చు. శేఖర్ కమ్ముల నాగచైతన్య లో ని నటన ను పూర్తిగా రాబట్టుకొని ఈ సినిమా చేయగా ఈ సినిమా ద్వారా తన దర్శకత్వ ప్రతిభను చాటుకున్నాడు. నాగ చైతన్య సాయి పల్లవి శేఖర్ కమ్ముల తర్వాత ఈ సినిమాకి సంగీత దర్శకుడు పవన్ కు మంచి గుర్తింపు వచ్చింది.