నిద్ర లేస్తున్న ఫ్యాక్షనిస్ట్ బాలయ్య?

Chaganti
బాలకృష్ణకు బాగా కలిసొచ్చిన పాత్ర ఏదైనా ఉంది అంటే అది ఫ్యాక్షనిస్ట్ పాత్ర అని చెప్పక తప్పదు. చెన్నకేశవరెడ్డి, పల్నాటి బ్రహ్మ నాయుడు, నరసింహ నాయుడు వంటి అనేక సినిమాల్లో బాలకృష్ణ ఫ్యాక్షనిస్ట్ తరహా పాత్రలో నటించి మెప్పించారు. అలాగే బాలకృష్ణకు పోలీసాఫీసర్ పాత్ర కూడా బాగా కలిసొచ్చింది. లక్ష్మీనరసింహ, చెన్నకేశవ రెడ్డి లాంటి సినిమాల్లో ఆయన పోలీస్ ఆఫీసర్గా కనిపించి మంచి మార్కులు సంపాదించారు. ఇప్పుడు ఆయన ఈ రెండు తరహా పాత్రలు ఒకే సినిమాలో పోషించబోతున్నారు అని అంటున్నారు. ప్రస్తుతం బాలకృష్ణ బోయపాటి దర్శకత్వంలో అఖండ అనే సినిమా చేస్తున్న సంగతి తెలిసిందే. 


ఈ సినిమా పూర్తయిన వెంటనే గోపీచంద్ మలినేనితో ఒక సినిమా చేయబోతున్నాడు. ఈ సినిమా రియల్ స్టోరీని బేస్ చేసుకుని తెరకెక్కించే అవకాశాలు ఉన్నాయని ప్రచారం జరుగుతోంది. తాజాగా విశ్వసనీయ వర్గాల సమాచారం మేరకు ఈ సినిమా గురించి కొన్ని విషయాలు వెలుగులోకి వచ్చాయి. ఈ సినిమాలో బాలకృష్ణ పోలీస్ ఆఫీసర్ గా అలాగే ఫ్యాక్షనిస్ట్ గా రెండు విభిన్న పాత్రలో కనిపించనున్నారని తెలుస్తోంది. అన్నీ బాగుంటే ఈ నెలలోనే ఈ సినిమా సెట్స్ మీదకు వెళ్లాల్సి ఉంది. 


కానీ కరోనా రెండో దశ నేపథ్యంలో అఖండ షూటింగ్ నెమ్మదిగా జరుగుతోంది. సో ఈ సినిమా షూటింగ్ కూడా లేట్ అయ్యే అవకాశాలు కనిపిస్తున్నాయి. ఇక మరో పక్క బాలకృష్ణ కళ్యాణ్ రామ్ కలిసి ఒక సినిమా చేయబోతున్నారనే ప్రచారం తాజాగా మొదలైంది. అనిల్ రావిపూడి దర్శకత్వంలో వీరిద్దరితో మల్టీస్టారర్ ప్లాన్ చేస్తున్నారని అంటున్నారు.. అయితే దీనికి సంబంధించిన అధికారిక ప్రకటన వెలువడాల్సి ఉంది. ఇక ఉగాది సందర్భంగా విడుదలైన అఖండ సినిమా టీజర్ ఇప్పటికే 50 మిలియన్ వ్యూస్ సాధించి మరిన్ని వ్యూస్ దిశగా పరుగులు పెడుతోంది.


మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood gossips view gopichand anil music anil ravipudi boyapati srinu kalyan kalyan ram ram pothineni cinema parugu

సంబంధిత వార్తలు: