ట్రైలర్తోనే బాక్సాఫీస్ వైబ్స్ తమన్ మాస్ రిప్లై హాట్ టాపిక్...!
పాన్ ఇండియా స్టార్ ప్రభాస్ మరియు దర్శకుడు మారుతి కాంబినేషన్లో వస్తున్న 'ది రాజా సాబ్' చిత్రం చుట్టూ ఇప్పుడు భారీ హైప్ నెలకొంది. ముఖ్యంగా ఈ సినిమా ట్రైలర్ 2.0 విడుదలైన తర్వాత, సంగీత దర్శకుడు ఎస్.ఎస్. తమన్ అందించిన బ్యాక్గ్రౌండ్ స్కోర్ (BGM) సోషల్ మీడియాలో హాట్ టాపిక్గా మారింది.ఈ క్రమంలో ఒక అభిమానికి తమన్ ఇచ్చిన మాస్ రిప్లై ఇప్పుడు నెట్టింట వైరల్ అవుతోంది.
ట్రైలర్ 2.0 లో తమన్ అందించిన మ్యూజిక్ కు ఫిదా అయిన ఒక నెటిజన్ ఎక్స్ (ట్విట్టర్) వేదికగా.. “ట్రైలర్ కే ర్యాంప్ అయ్యా మారుతి. ఆ మ్యూజిక్ ఏంట్రా మెంటల్ నా కొ*కా” అంటూ అత్యుత్సాహంతో, కాస్త అసభ్య పదజాలంతో కూడిన ప్రశంసను కురిపించాడు.దీనికి తమన్ తనదైన శైలిలో స్పందిస్తూ.. “థ్యాంక్స్ రా పిచ్చ నా పకోడా” అని రిప్లై ఇచ్చారు.తమన్ ఇచ్చిన ఈ సరదా మరియు మాస్ రిప్లై చూసి నెటిజన్లు నవ్వుకుంటున్నారు. సాధారణంగా తనపై వచ్చే ట్రోల్స్ను లైట్ తీసుకునే తమన్, ఈసారి అభిమాని భాషలోనే రిప్లై ఇచ్చి అందరినీ ఆశ్చర్యపరిచారు. గతంలో మ్యూజిక్ విషయంలో తమన్ను ట్రోల్ చేసిన కొందరు అభిమానులు ఇప్పుడు ఈ ట్రైలర్ BGM చూసి.. "అన్నా మమ్మల్ని క్షమించు, ఇప్పటి వరకు నిన్ను తప్పుగా అర్థం చేసుకున్నాం" అని పోస్ట్లు పెడుతున్నారు. దీనికి కూడా తమన్ సానుకూలంగా "అన్నది తమ్ముళ్లేగా.. పర్లేదులే" అని రిప్లై ఇచ్చి మనసు గెలుచుకున్నారు.
ఈ కొత్త ట్రైలర్ చూసిన తర్వాత సినిమాపై అంచనాలు రెట్టింపు అయ్యాయి: ప్రభాస్ కామెడీ టైమింగ్, డ్యాన్స్ మూమెంట్స్ పాత 'డార్లింగ్'ను గుర్తు చేస్తున్నాయి. మారుతి తన మార్క్ కామెడీని, భారీ విజువల్స్ తో కూడిన హారర్ ఎలిమెంట్స్ ను పక్కాగా బ్యాలెన్స్ చేసినట్లు కనిపిస్తోంది.ట్రైలర్ చివర్లో ప్రభాస్ వేసిన 'జోకర్' మేకప్ మరియు ఆ నవ్వు సినిమాపై మరింత ఆసక్తిని పెంచింది.తమన్ అందించిన BGM ఈ చిత్రానికి ప్రధాన ఆకర్షణగా నిలవబోతోందని ట్రైలర్ ద్వారా స్పష్టమైంది. గతంలో ఎదురైన ట్రోల్స్కు తన మ్యూజిక్తోనే సమాధానం చెప్పాలని తమన్ కంకణం కట్టుకున్నట్లు కనిపిస్తోంది. సంక్రాంతి బరిలో వస్తున్న ఈ 'రెబల్' ట్రీట్ బాక్సాఫీస్ వద్ద ఎలాంటి వండర్స్ క్రియేట్ చేస్తుందో చూడాలి.