సుదర్శన్ థియేటర్ లో వకీల్ సాబ్ టీమ్ సందడి .... రచ్చ చేసిన ఫ్యాన్స్ ....!!
నైజాంలో కూడా ఈ మూవీ మంచి స్పందన రాబడుతుండడంతో పాటు అటు రెండు జంట నగరాల్లో కూడా దుమ్ము రేపుతున్నట్లు తెలుస్తోంది. అసలు విషయం ఏమిటంటే కొద్దిసేపటి క్రితం వకీల్ సాబ్ మూవీ యూనిట్ హైదరాబాదులోని సుదర్శన్ 35 ఎంఎం థియేటర్ లో సందడి చేసింది. నిర్మాత దిల్ రాజు, దర్శకుడు వేణు శ్రీరామ్, అంజలి, నివేద థామస్ తదితరులు థియేటర్ కు విచ్చేసి ఆడియన్స్ కి ప్రత్యేకంగా కృతజ్ఞతలు తెలిపారు. ఇక వకీల్ సాబ్ టీం మూవీ థియేటర్ కు వస్తుందని తెలుసుకున్న అభిమానులు ఎంతో సందడి చేసినట్టు తెలుస్తోంది.
తొలిసారిగా పవర్ స్టార్ ను దర్శకత్వం వహించే అవకాశం రావడం ఎంతో ఆనందంగా ఉందని అలానే ఈ మూవీని ఇంత భారీ సక్సెస్ చేసిన ఆడియన్స్ కి ప్రత్యేకంగా ధన్యవాదాలు తెలిపారు వేణు శ్రీరామ్. తమ సినిమాకు ఇంత అద్భుత విజయాన్ని అందించిన ఆడియన్స్ కి ముఖ్యంగా పవర్ స్టార్ ఫ్యాన్స్ కి స్పెషల్ థ్యాంక్స్ చెప్పారు దర్శక నిర్మాత దిల్ రాజు, నాయికలు అంజలి, అనన్య.....!!