రామ్ చరణ్ భలే మేనేజ్ చేస్తున్నాడే..?

P.Nishanth Kumar
మెగా పవర్ స్టార్ రామ్ చరణ్ తేజ్ ఎంత బిజీ గా ఉన్నాడంటే టాలీవుడ్ లో ఏ హీరో కూడా ఇన్నేసి పనులు ముందు పెట్టుకోలేదని చెప్పాలి.. హీరోగా, క్యారెక్టర్ ఆర్టిస్ట్ గా, నిర్మాత గా చాలా పాత్రలే పోషిస్తున్నాడు.  రాజమౌళి దర్శకత్వంలో rrr సినిమాలో హీరో గా నటిస్తున్న రామ్ చరణ్ అదే టైం లో చిరంజీవి ఆచార్య సినిమాలో ఓ పాత్ర ని చేస్తున్నాడు. దాదాపు గంట సేపు ఈ పాత్ర లో రామ్ చరణ్ తేజ్ కనిపించనున్నాడట.. ఇకపోతే అదే ఆచార్య సినిమా కి నిర్మాత గా కూడా ఉన్నాడు రామ్ చరణ్.. ఓ వైపు నటిస్తూనే మరోవైపు నిర్మాత గా ఉండడం ఒక్క రామ్ చరణ్ కే చెల్లింది.
ఇకపోతే  ‘ఆచార్య’ కోసం ‘సిద్ధ’ అవతారం ఎత్తిన రామ్ చరణ్ సెట్స్‌లోకి అతడికి స్వాగతం పలుకుతూ దర్శకుడు కొరటాల శివ మెడలో రుద్రాక్ష మాలతో ఉన్న చరణ్ చిత్రాన్ని వెనుక నుంచి షేర్ చేశాడు. ఈ లుక్ అభిమానులకు ఐ ఫీస్ట్ ని ఇచ్చిందని చెప్పొచ్చు. ఈ  సినిమా చిత్రీకరణ కూడా ఎక్కువగా టెంపుల్ సెట్‌ నేపథ్యంలోనే సాగుతోందన్నదీ స్పష్టం. చరణ్ క్యారెక్టర్‌, లుక్ పరంగా ‘ఆధ్యాత్మిక’ కోణం ఉంటుందని తెలుస్తోంది. మొన్న రిలీజ్ చేసిన లుక్ కూడా ఈ దిశగా సంకేతాలు ఇచ్చింది. కొత్త లుక్ కాబట్టి ‘ఆర్ఆర్ఆర్’ నుంచి బ్రేక్ తీసుకుని చరణ్ ‘ఆచార్య’ కోసం పని చేస్తున్నట్లే అందరూ భావిస్తూ వచ్చారు. కానీ ఇంతలో రాజమౌళి పెద్ద ట్విస్ట్ ఇచ్చాడు.
‘ఆర్ఆర్ఆర్’ క్లైమాక్స్ చిత్రీకరణ మొదలైందని.. సీతారామరాజు, కొమరం భీమ్ కలిసి తమ లక్ష్యాన్ని చేరుకునే ప్రయత్నంలో ఉన్నారని ఆయన ట్వీట్ చేశారు. వైరల్ అయిన ఈ ట్వీట్ మెగా అభిమానులను కన్ఫ్యూజన్లో పడేసింది. ఈ మధ్యే ‘ఆచార్య’ షూట్‌కు వచ్చిన చరణ్.. ఇంతలో మళ్లీ ‘ఆర్ఆర్ఆర్’ సెట్లోకి ఎలా అడుగు పెట్టాడన్నది వాళ్ల డౌట్.  ‘ఆర్ఆర్ఆర్’ ఏమో వందేళ్ల వెనుకటి నేపథ్యంలో సాగే కథ. ‘ఆచార్య’ వర్తమానం సాగే స్టోరీ. మహా అయితే కొన్నేళ్లు వెనక్కి వెళ్తారు కానీ.. ‘ఆర్ఆర్ఆర్’లా శతాబ్దం అయితే వెనక్కి వెళ్లే అవకాశం లేదు. అలాంటపుడు ఈ రెండు చిత్రాల్లో చరణ్ ఒకేసారి నటిస్తూ లుక్, కాల్ షీట్స్, ఇతర విషయాల్లో ఎలా మేనేజ్ చేయగలుగుతాడో అని ఆశ్చర్యపోతున్నారు ఫ్యాన్స్.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

siddha shiva koratala siva komaram bheem twitter lord siva maha

సంబంధిత వార్తలు: