పిచ్చి రాతలపై పునర్నవి ఫైర్.. లీగల్ యాక్షన్ కు రెడీ..!
ఉయ్యాల జంపాల సినిమాలో హీరోయిన్ ఫ్రెండ్ రోల్ లో కనిపించిన పునర్నవి భూపాలం ఆ తర్వాత తను సోలో హీరోయిన్ గా కూడా కొన్ని ప్రయత్నాలు చేసింది. అయితే హీరోయిన్ గా పెద్దగా గుర్తింపు తెచ్చుకోలేని పున్ను బిగ్ బాస్ సీజన్ 3లో కంటెస్టంట్ గా మారడంతో క్రేజ్ తెచ్చుకుంది. సీజన్ మొత్తంలో రాహుల్ తో క్లోజ్ నెస్, వరుణ్, వితికలతో ఫ్రెండ్ షిప్ ఇలా పునర్నవి షోలో బాగానే ఆకట్టుకుంది.
బిగ్ బాస్ షోకి ముందు ఆమె ఎవరికి తెలియదు కాని ఆఫ్టర్ బిగ్ బాస్ పునర్నవి చాలా పాపులర్ అయ్యింది. కొద్దిగా క్రేజ్ వచ్చాకా ఆమె మీద మీడియా స్పెషల్ ఫోకస్ ఉంటుంది కదా అందులో భాగంగానే ఓ వెబ్ సైట్ లో పునర్నవి యోగా భంగిమల గురించి అసభ్యకరంగా హాట్ హాట్ గా వార్తలు రాశారు. అది చూసిన పునర్నవి ఆ వెబ్ సైట్ మీద చాలా సీరియస్ అవుతుంది. తన అనుమతి లేకుండా ఫోటోలను వాడటమే కాకుండా ఇలా పిచ్చి రాతలు రాస్తారా మీపై లీగల్ యాక్షన్ తీసుకుంటానని వార్నింగ్ ఇచ్చింది.
అయితే సదరు వెబ్ సైట్ వారు ఆమెకు క్షమాపణలు చెప్పీ ఆ ఆర్టికల్ డిలీట్ చేస్తామని చెప్పారు. అయినా కూడా శాంతించని పునర్నవి తప్పకుండా లీగల్ యాక్షన్ తీసుకోవాలనే అనుకుంటుంది. మరి పునర్నవి నిజంగానే ఆ వెబ్ సైట్ మీద లీగల్ యాక్షన్ కు దిగుతుందా లేక అలా బెదిరించి సైలెంట్ గా ఉంటుందా అన్నది చూడాలి. బిగ్ బాస్ నుండి బయటకు వచ్చాక ఇంటర్వ్యూస్ తో హంగామా చేసిన పునర్నవి పెద్దగా ఛాన్సులు మాత్రం దక్కించుకోలేదని తెలుస్తుంది.