ट्रेलर रिलीजच्या तारखेची घोषणा या चित्रपटाचे निर्माते भूषण कुमार यांच्या वाढदिवशीच करण्यात आली. भूषण यांच्या वाढदिवसाचा केक कापून श्रद्धा आणि वरुणने सेलिब्रेशनही केले. त्यांनी यावेळी आपल्या चित्रपटाचा ट्रेलर केव्हा रिलीज होईल, असा प्रश्न विचारला. तेव्हा या तारखेची घोषणा भूषण यांनी केली.

 

या चित्रपटाचा १२ डिसेंबरला ट्रेलर रिलीज करण्यात येणार आहे. या चित्रपटात वरुण धवन, श्रद्धा कपूर, प्रभू देवा आणि नोरा फतेही यांची मुख्य भूमिका आहेत. तसेच, डान्स क्षेत्रात पारंगत असलेले कलाकारही यामध्ये झळकणार आहेत. या चित्रपटाचे दिग्दर्शन रेमो डिसुजाने केले आहे.