ಸ್ಯಾಂಡಲ್ವುಡ್ನಲ್ಲಿ ಬಾಹುಬಲಿ..!
ಚಂದನವನದಲ್ಲಿ ಬಾಹುಬಲಿ ಸಿನಿಮಾ ನಾ! ನಿರ್ದೇಶಕ ರಾಜಮೌಳಿ ಮಾಡುತ್ತಿರುವುದಾದರೂ ಏನು ಎಂದು ಕನ್ಪ್ಯೂಸ್ ಆಗ್ಬೇಡಿ. ಏಕೆಂದರೆ ನಾ ಹೇಳ ಹೊರಟಿರುವ ಸ್ಟೋರಿ ತೆಲುಗಿನ ಬಾಹುಬಲಿ ಸಿನಿಮಾ ಬಗ್ಗೆ ಅಲ್ಲ. ಬದಲಿಗೆ ಕನ್ನಡದ ಶ್ರೀ ಭರತ ಬಾಹುಬಲಿ ಚಿತ್ರದ ಬಗ್ಗೆ. ಈ ಚಿತ್ರ ಈಗಾಗಲೇ ಸ್ಯಾಂಡಲ್ ವುಡ್ ನಲ್ಲಿ ಭಾರೀ ನಿರೀಕ್ಷೆ ಹುಟ್ಟಿ ಹಾಕಿದೆ. ಮಂಜು ಮಾಂಡವ್ಯ ನಿರ್ದೇಶನದ ಜೊತೆಗೆ ಭರತನಾಗಿ ಬಣ್ಣ ಹಚ್ಚಿದ್ರೆ, ಚಿಕ್ಕಣ್ಣ ಬಾಹುಬಲಿಯಾಗಿ ಸಾಥ್ ಕೊಟ್ಟಿದ್ದಾರೆ. ಎಲ್ಲಾ ಕಮರ್ಷಿಯಲ್, ಲವ್ ಅಂಶಗಳನ್ನ ಬೆರಸಿ ನಿರ್ಮಿಸುತ್ತಿರುವ ಈ ಸಿನಿಮಾ ಟೀಸರನ್ನು ಈಗಾಗಲೇ ರಿಯಲ್ ಸ್ಟಾರ್ ಬೆಸ್ಟ್ ಡೈರೆಕ್ಟರ್ ಉಪೇಂದ್ರ ಲಾಂಚ್ ಮಾಡಿದ್ದಾರೆ.
ಯಶ್ ಅಭಿನಯದ ಮಾಸ್ಟರ್ಪೀಸ್ ನಂತರ ಮಂಜು ಮಾಂಡವ್ಯ ನಿರ್ದೇಶಿಸುತ್ತಿರುವ ಎರಡನೇ ಚಿತ್ರವಿದು. ಮಂಜು ಮಾಂಡವ್ಯ ನಿರ್ದೇಶನದ ಜೊತೆಗೆ ಭರತನಾಗಿ ಲೀಡ್ ರೋಲ್ ಪ್ಲೇ ಮಾಡಿದ್ದು, ಚಿಕ್ಕಣ್ಣ ಅವ್ರಿಗೆ ಜೊತೆಯಾಗಿದ್ದಾರೆ. ಹಳ್ಳಿ ಹಿನ್ನಲೆಯ ಸಿನಿಮಾದಲ್ಲಿ ಲೋಕಲ್ ಬೆಂಕಿ ಬಾಯ್ಸ್ ಆಗಿ ಇಬ್ರು ಪ್ರೇಕ್ಷಕರನ್ನ ರಂಜಿಸೋಕ್ಕೆ ಸಿದ್ದವಾಗುತ್ತಿದ್ದಾರೆ. ಇಂಗ್ಲೆಂಡ್ನಿಂದ ಬರೋ ನಾಯಕಿ, ಲೋಕಲ್ ಹುಡುಗರ ಪ್ರೀತಿ ಪಜೀತಿ, ಒಂದು ಅಪರೂಪದ ವಿಗ್ರಹಕ್ಕಾಗಿ ನಡೆಯುವ ಹುಡುಕಾಟ ಹೀಗೆ ಬಹಳ ಕುತೂಹಲಭರಿತವಾಗಿ ಕಥೆಯನ್ನ ಹೆಣೆಯಲಾಗಿದೆ. ರಾಜಾಹುಲಿ ಸಿನಿಮಾದಲ್ಲಿ ಸಣ್ಣ ಪಾತ್ರ ಮಾಡಿದ್ದ ಮಂಜು ಮಾಂಡವ್ಯ ಇದೀಗ ಶ್ರೀ ಭರತ ಬಾಹುಬಲಿ ಚಿತ್ರದಲ್ಲಿ ಲೀಡ್ ರೋಲ್ ಪ್ಲೇ ಮಾಡಿದ್ದಾರೆ.
ಚಿಕ್ಕಣ್ಣನ ಜೊತೆ ಸೇರಿ ಕಾಮಿಡಿ, ಆ್ಯಕ್ಷನ್, ಡ್ಯಾನ್ಸ್ ಎಲ್ಲಾ ಟ್ರೈ ಮಾಡಿದ್ದಾರೆ. ಬಿಗ್ ಬಾಸ್ ಖ್ಯಾತಿಯ ಶೃತಿ ಪ್ರಕಾಶ್ ಸ್ಪೆಷಲ್ ಡ್ಯಾನ್ಸಿಂಗ್ ನಂಬರ್ ಕೂಡ ಚಿತ್ರದಲ್ಲಿದೆ. ಶ್ರೀ ಭರತ ಬಾಹುಬಲಿ ಚಿತ್ರಕ್ಕೆ ಮಣಿಕಾಂತ್ ಕದ್ರಿ ಟ್ಯೂನ್ ಹಾಕಿದ್ದಾರೆ. ಐಶ್ವರ್ಯ ಫಿಲ್ಮ್ ಪ್ರೊಡಕ್ಷನ್ ಬ್ಯಾನರ್ನಲ್ಲಿ ಸ್ವತ: ಮಂಜು ಮಾಂಡವ್ಯ ಸಿನಿಮಾ ನಿರ್ಮಾಣ ಮಾಡಿದ್ದು, ಮೇಕಿಂಗ್ ಬಹಳ ಜೋರಾಗಿದೆ. ರಿಯಲ್ ಸ್ಟಾರ್ ಉಪೇಂದ್ರ, ಶ್ರೀ ಭರತ ಬಾಹುಬಲಿ ಟ್ರೈಲರ್ ರಿಲೀಸ್ ಮಾಡಿ ಶುಭ ಕೋರಿದ್ದಾರೆ.ಶ್ರೀ ಭರತ ಬಾಹುಬಲಿ ಚಿತ್ರದಲ್ಲಿ ಚಿಕ್ಕಣ್ಣನ ಕಾಮಿಡಿಯಿದೆ. ಲವ್, ಆ್ಯಕ್ಷನ್, ಎಮೋಷನ್ ಎಲ್ಲವೂ ಈ ಸಿನಿಮಾದಲ್ಲಿದ್ದು ಕಾಮಿಡಿ ಹೈಲೆಟ್ ಆಗಿರಲಿದೆ.