మనీ : పెళ్లి తర్వాత అకౌంట్ తెరిచారంటే.. నెల నెలా రూ.10వేలు..!!
ఆకర్షణీయ రాబడిని పొందాలి అంటే ఇప్పుడు చెప్పబోయే పథకంలో మీరు చేరాల్సిందే. ఇందులో చేరడం వల్ల ప్రతి నెల చేతికి కొంత డబ్బు వస్తుంది . అలాగే ఎటువంటి రిస్క్ కూడా ఉండదు. పోస్ట్ ఆఫీస్ అందిస్తున్న పలు రకాల పథకాలలో మంత్లీ ఇన్కమ్ పథకం కూడా ఒకటి. ఇందులో మీరు 6.6 శాతం వడ్డీని కూడా పొందే అవకాశం ఉంటుంది. ప్రతి మూడు నెలలకు ఒకసారి వడ్డీరేట్లను కేంద్ర ప్రభుత్వం సవరిస్తూ ఉంటుందన్న విషయం తెలిసిందే. అయితే ఈ వడ్డీ రెట్లు పెరగవచ్చు లేదా స్థిరంగా ఉండవచ్చు. కానీ తగ్గే అవకాశం అయితే ఉండదు.
మంత్లీ ఇన్కమ్ స్కీం ద్వారా మీరు వెయ్యి రూపాయల నుంచి కూడా డబ్బులు ఇన్వెస్ట్ చేసే అవకాశం ఉంటుంది. గరిష్టంగా 4.5 లక్షల వరకు డబ్బులు పెట్టవచ్చు. ఒకవేళ మీకు పెళ్లి అయితే జాయింట్ అకౌంట్ తెరిచినప్పుడు ఈ స్కీమ్లో గరిష్టంగా 9 లక్షల రూపాయల వరకు ఇన్వెస్ట్ చేయవచ్చు. దంపతులు మాత్రమే కాదు ఎవరైనా సరే ఇందులో చేరవచ్చు. ప్రతి నెల ఇన్వెస్ట్ చేయాలనుకునే వాళ్ళు ఒకేసారి తొమ్మిది లక్షల రూపాయలను ఇన్వెస్ట్ చేసి వదిలేస్తే ఐదు సంవత్సరాల కాలం ముగిసిన తర్వాత మీరు ప్రతి నెల ఐదువేల రూపాయలను అంటే ఇద్దరు కలిపి 10 వేల రూపాయలను పెన్షన్ కింద పొందవచ్చు.