కేజిఎఫ్ మూవీ పై చేసిన వ్యాఖ్యలపై స్పందించిన వెంకటేష్ మహా..!
టాలీవుడ్ ఇండస్ట్రీ లో మంచి టాలెంట్ కలిగిన దర్శకులలో ఒకరు అయినటు వంటి వెంకటేష్ మహా గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు . ఈ దర్శకుడు కేర్ ఆఫ్ కంచరపాలెం అనే మూవీ తో దర్శకుడిగా తన కెరియర్ ను ప్రారంభించాడు . దర్శకుడుగా తన కెరీర్ ను ప్రారంభించిన మొట్ట మొదటి మూవీ తోనే ఈ దర్శకుడు అదిరిపోయే విజయాన్ని బాక్స్ ఆఫీస్ దగ్గర సొంతం చేసుకోవడం మాత్రమే కాకుండా ఇటు ప్రేక్షకుల నుండి ... అటు విమర్శకుల నుండి అద్భుతమైన ప్రశంసలను ఈ మూవీ ద్వారా అందుకున్నాడు.
ఇలా కేరాఫ్ కంచరపాలెం మూవీ తో వెంకటేష్ మహా దర్శకుడిగా తెలుగు సినిమా ఇండస్ట్రీ లో తనకంటూ ఒక ప్రత్యేక ఇమేజ్ ను క్రియేట్ చేసుకున్నాడు. ఆ తర్వాత ఈ దర్శకుడు సత్యదేవ్ ప్రధాన పాత్రలో రూపొందిన ఉమా పరమేశ్వర ఉగ్రరూపస్య అనే మూవీ కి దర్శకత్వం వహించాడు. ఈ మూవీ థియేటర్ లలో కాకుండా నేరుగా నెట్ ఫిక్స్ "ఓ టి టి" ప్లాట్ ఫామ్ లో విడుదల అయింది. ఈ మూవీ కి కూడా ప్రేక్షకుల నుండి ... విమర్శకుల నుండి అద్భుతమైన ప్రశంసలు లభించాయి.
ఇలా దర్శకుడిగా తన కంటూ ఒక మంచి గుర్తింపును సంపాదించుకున్న ఈ దర్శకుడు తాజాగా ఓ ఇంటర్వ్యూలో కే జి ఎఫ్ మూవీ పై కొన్ని ఆసక్తికరమైన వ్యాఖ్యలు చేశాడు. ఆ వ్యాఖ్యలు చర్చనీయాంశంగా మారాయి. దానితో తాజాగా వెంకటేష్ మహా స్పందించాడు. ఒక బాధ్యతాయుతమైన దర్శకుడుగా నేను వాడిన భాష సరిగా లేదు. ఆ విషయంలో క్షమాపణ చెబుతున్నా ... కానీ నా అభిప్రాయాన్ని వెనక్కి తీసుకోను ... దానికి కట్టుబడి ఉన్నా అని వెంకటేష్ మహా చెప్పుకొచ్చాడు.