బాబాయ్ - అబ్బాయ్ సినిమాలు వాయిదా పడ్డట్టేనా..?
అంతలా ఒక విషాదగాథ సినీ ఇండస్ట్రీలో చవి చూశామని చెప్పవచ్చు. ఇదిలా ఉండగా తారకరత్న మరణించడంతో అటు ఎన్టీఆర్ తన 30వ సినిమాను ఇటు బాలకృష్ణ తన 108వ సినిమా షూటింగ్లను కొంతకాలం పోస్ట్ పోన్ చేసినట్లు తెలుస్తోంది. అనిల్ రావిపూడి దర్శకత్వంలో బాలకృష్ణ తన 108వ సినిమాని తెరకెక్కిస్తున్న విషయం తెలిసిందే. ఇప్పటికే షూటింగ్ కూడా మొదలయ్యింది. కానీ తారకరత్నకు గుండెపోటు వచ్చిందని తెలిసిన రోజు నుంచి ప్రతి చిన్న విషయాన్ని కూడా బాలకృష్ణ దగ్గరుండి మరీ చూశారు. అలా 23 రోజులపాటు తన పనులను పక్కనపెట్టి తారకరత్న ఆరోగ్యం కోసమే పాటుపడ్డారు . కానీ తారకరత్న మరణించడం జరిగింది. దీంతో మరింత కుమిలి పోయిన బాలకృష్ణ ప్రస్తుతం తన సినిమా షూటింగ్ ను వాయిదా వేసినట్లు సమాచారం.
మరోవైపు యంగ్ టైగర్ ఎన్టీఆర్ కూడా కొరటాల శివ దర్శకత్వంలో తన 30వ సినిమాను తెరకెక్కిస్తున్న విషయం తెలిసిందే. ఇక సోదరుడు తారకరత్న మరణించడంతో ఎన్టీఆర్ కూడా తన సినిమా షూటింగ్లను వాయిదా వేసినట్లు తెలుస్తోంది. ఇక తారకరత్నకు సంబంధించిన అన్ని కార్యక్రమాలు పూర్తయ్యే వరకు వీరిద్దరూ తమ సినిమా షూటింగ్లను ప్రారంభించబోము అని స్పష్టం చేసినట్లు సమాచారం. ఎన్టీఆర్ కుటుంబంలో ఇలాంటి విషాదఛాయలు అలుముకోవడం అభిమానులను కలవరపెడుతోంది.