క్రిటికల్ కండిషన్లో తారకరత్న ఆరోగ్యం.. తాజా బులిటెన్ విడుదల..!
వెంటనే బెంగళూరులోని నారాయణ హృదయాలయ హాస్పిటల్ కి తరలించి.. చికిత్స నిర్వహించారు.. ఇదిలా వుండగా నందమూరి తారకరత్న గత 22 రోజులుగా బెంగళూరులోని నారాయణ హృదయాలయ హాస్పిటల్ లో విదేశీ వైద్య బృందం చేత ప్రత్యేకంగా చికిత్స పొందుతున్న విషయం తెలిసిందే.. ఆయన ఆరోగ్యం కుదుటపడుతుంది అని అంతా భావిస్తున్న సమయంలోనే తాజాగా ఒక వార్త బయటకు వచ్చి ఇప్పుడు అందరినీ ఆందోళనకు గురిచేసింది. ప్రస్తుతం తారకరత్న ఆరోగ్యానికి సంబంధించి వైద్యులు తాజా బులెటిన్ విడుదల చేయగా అందులో ఆయన పరిస్థితి విషమంగా ఉందని వైద్యులు తెలిపారు.. నారాయణ హృదయాలయ హాస్పిటల్ వర్గం మరొకసారి ఆయన బ్రెయిన్ కు స్కాన్ చేయడం జరిగింది.
ప్రత్యేక వైద్య బృందం చేత చికిత్స చేస్తున్నప్పటికీ కూడా తారకరత్నను కోమా నుంచి బయటకు తీసుకురాలేక పోయినట్లు సమాచారం. ఆయన చికిత్సకు రెస్పాండ్ కావడం లేదని.. మునిపటికంటే మరింతగా ఆయన ఆరోగ్యం క్షీణించింది అని వైద్యులు చెప్పడంతో కుటుంబ సభ్యులు , నందమూరి బాలకృష్ణ నారాయణ హృదయాలయ హాస్పిటల్ కు చేరుకొని వైద్యులతో మాట్లాడుతున్నట్లు సమాచారం.. ఇకపోతే ఆయన త్వరగా కోలుకోవాలని అటు ప్రజలు ఇటు అభిమానులు దేవుడిని ప్రార్థిస్తున్నారు.. మరికొన్ని గంటల తర్వాత మరికొంత అప్డేట్ ఇచ్చే అవకాశం ఉన్నట్లు సమాచారం.