మరో వెబ్ సిరీస్ తో రానున్న రెజీనా కసాండ్రా.. మెప్పిస్తుందా..?
రవికుమార్ చౌదరి దర్శకత్వం వహించిన పిల్ల నువ్వు లేని జీవితం సినిమాలో సాయిధరమ్ తేజ సరసన నటించింది. కానీ అనుకున్నంత విజయాన్ని పొందలేకపోయింది. ఆ తర్వాత రారా కృష్ణయ్య , పవర్ వంటి చిత్రాలలో కూడా నటించింది. తెలుగులోనే కాకుండా తమిళ్ , కన్నడ భాషల్లో కూడా చిత్రాలు చేసి ప్రేక్షకులకు మరింత దగ్గరైన ఈమె 1990 డిసెంబర్ 13న మద్రాస్ లో జన్మించింది. ఇప్పటికీ 32 సంవత్సరాల వయసులో అడుగుపెట్టిన ఈమె పెళ్లి అనే మాటకి దూరంగా ఉంది. ఇకపోతే 2019లో హిందీలో ఏ లడికి తో హైసా లాగా అనే సినిమాలో కూడా నటించింది.
ఇదిలా ఉండగా ప్రస్తుతం సినిమాలలో ఆఫర్లు రావట్లేదని వెబ్ సిరీస్ ల వైపు మొగ్గు చూపుతున్న ఈమె తాజాగా షాకిని డాకిని సినిమాతో ప్రేక్షకులను అలరించింది. అనన్య నాగళ్ళతో కలిసి నటించిన అన్యాస్ ట్యుటోరియల్ అనే వెబ్ సిరీస్ లో నటించగా అది నేరుగా ఆహా ఓ టీ టీ లో విడుదలై ప్రేక్షకులను బాగా ఆకట్టుకుంది. ఇప్పుడు తాజాగా sony Live కోసం మరొక వెబ్ సిరీస్ లో నటించడానికి గ్రీన్ సిగ్నల్ ఇచ్చింది ఈ ముద్దుగుమ్మ. మరి ఈ వెబ్ సిరీస్ గురించి పూర్తి వివరాలు తెలియాల్సి ఉంది.