అప్పుడే సమంత తో ప్రేమలో పడిపోయాను... విజయ్ దేవరకొండ..!
టాలీవుడ్ ఇండస్ట్రీలో మంచి క్రేజ్ ఉన్న యువ హీరోలలో ఒకరు అయిన విజయ్ దేవరకొండ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. విజయ్ దేవరకొండ ఇప్పటికే ఈ సంవత్సరం లైగర్ మూవీ తో ప్రేక్షకులను పలకరించాడు. లైగర్ మూవీ భారీ బడ్జెట్ తో పాన్ ఇండియా మూవీ గా రూపొందింది. ఈ మూవీ లో విజయ్ దేవరకొండ సరసన అనన్య పాండే హీరోయిన్ గ నటించగా , పూరి జగన్నాథ్ ఈ మూవీ కి దర్శకత్వం వహించాడు. మైక్ టైసన్ ఈ మూవీ లో కీలక పాత్రలో నటించగా , రమ్యకృష్ణ ఈ మూవీ లో విజయ్ దేవరకొండ తల్లి పాత్రలో నటించింది. ఈ మూవీ భారీ అంచనాల నడుమ తెలుగు , తమిళ , కన్నడ , మలయాళ , హిందీ భాషల్లో విడుదల అయింది. ఈ మూవీ బాక్స్ ఆఫీస్ దగ్గర ప్రేక్షకులను ఏ మాత్రం అలరించలేకపోయింది. దానితో లైగర్ మూవీ బాక్స్ ఆఫీస్ దగ్గర గోరపరాజయన్ని అందుకుంది.
ఇది ఇలా ఉంటే ప్రస్తుతం విజయ్ దేవరకొండ , శివ నిర్వాణ దర్శకత్వంలో తెరకెక్కుతున్న ఖుషి అనే మూవీ లో హీరో గా నటిస్తున్నాడు. ఈ మూవీ లో సమంత హీరోయిన్ గా నటిస్తోంది. ఇది ఇలా ఉంటే తాజాగా సమంత "యశోద" అనే లేడీ ఓరియంటెడ్ మూవీ లో ప్రధాన పాత్రలో నటించిన విషయం మన అందరికీ తెలిసిందే. ఈ మూవీ తెలుగు ట్రైలర్ ను తాజాగా విజయ్ దేవరకొండ విడుదల చేశాడు. ఈ ట్రైలర్ విడుదల సందర్భంగా సమంత పై ఉన్న అభిమానాన్ని విజయ్ దేవరకొండ చాటుకున్నాడు. కాలేజీలో చదువుకునే రోజుల్లోనే సమంత ను తొలిసారిగా బిగ్ స్క్రీన్ పై చూసి అభిమానిగా మారిపోయాను. ఆ సమయంలోనే ఆమెతో ప్రేమలో పడిపోయాను. ఇప్పటికీ కూడా సమంత ను ఆరాధిస్తున్నాను అని సోషల్ మీడియా వేదికగా విజయ్ దేవరకొండ పోస్ట్ చేశాడు. సమంత మూవీ ట్రైలర్ రిలీజ్ చేసినందుకు సంతోషిస్తున్నాను అని పేర్కొన్నాడు.