ఘనంగా హీరోయిన్‌ పూర్ణ పెళ్లి.. ఫొటోలు వైరల్‌

murali krishna
ఘనంగా హీరోయిన్‌ పూర్ణ పెళ్లి.. ఫొటోలు వైరల్‌
సౌతిండియన్‌ హీరోయిన్‌, ఢీ డ్యాన్స్ షో జడ్జి పూర్ణ అకా షమ్నా కాసిమ్ తన కాబోయే భర్త షానిద్ ఆసిఫ్ అలీని సోమవారం రాత్రి దుబాయ్‌లో గ్రాండ్‌గా వివాహం చేసుకున్నారు. ఈ వివాహ వేడుకకు కొద్దిమంది సన్నిహితులు, కుటుంబ సభ్యులు మాత్రమే హాజరయ్యారని సమాచారం. హీరోయిన్‌ పూర్ణ.. తన పెళ్లికి సంబంధించిన పలు ఫొటోలను ఇన్‌స్టాగ్రామ్‌ వేదికగా తన అభిమానులతో పంచుకుంది. ప్రస్తుతం పూర్ణ పెళ్లి ఫొటోలు ఇంటర్నెట్‌లో వైరల్ అవుతున్నాయి. తెలుగులో 'సీమ టపాకాయ', 'అవును', 'అవును-2' సినిమాలతో హీరోయిన్‌ పూర్ణ మంచి గుర్తింపు తెచ్చుకున్నారు.
పూర్ణ పట్టు చీర కట్టుకుని చాలా అందంగా కనిపించింది. వరుడు షానిద్ సాంప్రదాయ అరబిక్ దుస్తులు ధరించాడు. రిసెప్షన్ కోసం షమ్నా లెహంగాలో చాలా అందంగా కనిపించింది. సినీ పరిశ్రమలోని తన మిత్రుల కోసం రిసెప్షన్ నిర్వహించనున్నట్లు పూర్ణ తెలిపారు. మంజు పోలోరు పెంకుట్టి సినిమాతో సినీ పరిశ్రమలోకి అడుగుపెట్టింది. ఆ తర్వాత తమిళం, తెలుగు సినిమాల్లో నటించింది. ఆమె అనేక మలయాళ చిత్రాలలో చెప్పుకోదగ్గ పాత్రలు పోషించింది. ఆమె చివరిగా మలయాళ సూపర్ హిట్ చిత్రం జోసెఫ్ తమిళ రీమేక్‌లో నటించింది.
పూర్ణ తన పోస్ట్‌కి ''నేను ప్రపంచంలోనే అత్యంత అందమైన మహిళ కాకపోవచ్చు లేదా మంచి జీవిత భాగస్వామికి సంబంధించిన అన్ని లక్షణాలను కలిగి ఉండకపోవచ్చు, కానీ మీరు నన్ను ఎప్పుడూ తక్కువ అనుభూతిని కలిగించలేదు. మీరు నన్ను నేనుగా ఆరాధించారు. నన్ను మార్చడానికి ఎప్పుడూ ప్రయత్నించలేదు. ఇది నాలోని ఉత్తమమైన వాటిని బయటకు తీసుకురావడానికి నాపై కృషి చేయమని నన్ను ప్రోత్సహించింది. ఈ రోజు మా దగ్గరి, ప్రియమైన వారి మధ్య మీరు (భర్త షానిద్ ఆసిఫ్ ), నేను దీన్ని ప్రారంభించాము. కలయిక యొక్క అద్భుతమైన ప్రయాణం ఇది. మీకు ఎప్పటికీ మద్దతు ఇస్తానని వాగ్దానం చేస్తున్నాను." అంటూ రాసుకొచ్చారు.

మరింత సమాచారం తెలుసుకోండి:

సంబంధిత వార్తలు: