చిన్న సినిమాల పై మనసు పెడుతున్న స్టార్ హీరోలు!!
పాన్ ఇండియా స్టార్ గా ఎదిగిన తర్వాత ప్రభాస్ చిన్న సినిమాలు చేయడం అనే సంగతి పక్కన పెడితే వందకోట్ల బడ్జెట్ సినిమాలను కూడా చేయడం లేదు. ఐదు వందల కోట్ల బడ్జెట్ సినిమాలను మాత్రమే ఒప్పుకుంటూ వచ్చిన ప్రభాస్ ఇప్పుడు మారుతి తో కలిసి చిన్న సినిమా చేయడం ఎంత వరకు సాధ్యం అవుతుంది అనేది చూడాలి. ఇక విజయ్ దేవరకొండ కూడా పాన్ ఇండియా సినిమాలను చేస్తూనే మరోవైపు చిన్న దర్శకుడితో సినిమా చేసే విధంగా ఆలోచనలు చేస్తున్నాడు. శివ నిర్వాణ దర్శకత్వంలో ఆయన ఓ సినిమా చేసే విధంగా ప్రణాళికలు రచిస్తున్నారు.
లైగర్ సినిమాతో విజయ్ దేవరకొండ పాన్ ఇండియా మార్కెట్ లోకి అడుగు పెడుతున్న విషయం తెలిసిందే. దీని తర్వాత సుకుమార్ తో ఆయన సినిమా చేస్తున్నాడు. అలా పెద్ద దర్శకులతో సినిమాలు చేస్తున్న విజయ్ దేవరకొండ ఈ విధంగా శివ నిర్వాణ దర్శకత్వంలో చిన్న సినిమా చేయడం నిజంగా ఆశ్చర్యం కలిగించే విషయం. వీరే కాదు ఇంకొంత మంది స్టార్ హీరోలు కూడా తొందరగా పూర్తి అయ్యే చిన్న సినిమాలను చేయడానికి సిద్ధంగా ఉన్నారు. దాంతో ఇదే అవకాశం అని భావిస్తున్న కొంతమంది దర్శకులు పెద్ద హీరోలకు కథలు తయారు చేసే పనిలో ఉన్నారు. మరి ఈ చిన్న సినిమాలు ఎంతటి సంచలనాన్ని సృష్టిస్తాయో చూడాలి.