శాకుంతలం ఫినిష్...ఎమోషనల్ అయిన చిత్రబృందం..!
అందాల ముద్దుగుమ్మ అక్కినేని సమంత హీరోయిన్ గా దేవ్ మోహన్ హీరోగా గుణశేఖర్ దర్శకత్వంలో తెరకెక్కుతున్న సినిమా 'శాకుంతలం'.ఎన్నో రోజులుగా షూటింగ్ జరుపుకుంటున్న ఈ సినిమా తాజాగా షూటింగ్ ని పూర్తి చేసుకొని గుమ్మడికాయ కొట్టేశారు. ఈ భారీ పౌరాణిక సినిమాలో సమంత లీడ్ రోల్ లో నటిస్తుంది. చాలా రోజులుగా షూటింగ్ జరుపుకుంటున్న ఈ సినిమా షూటింగ్ పూర్తయింది అంటూ ఒక అఫీషియల్ వీడియోను చిత్ర బృందం విడుదల చేశారు. దర్శకుడు గుణశేఖర్ , చిత్ర నిర్మాత నీలిమ సినిమా యూనిట్ మొత్తానికి చిన్న చిన్న కానుకలు కూడా ఇచ్చారు. ఈ సినిమాకు వీడ్కోలు పలికే సందర్భంలో చిత్రయూనిట్ కాస్త ఎమోషనల్ అవ్వడం కూడా మనం గమనించవచ్చు.
మహాభారతంలో ఆదిపర్వం నుండి తీసుకున్న శకుంతల మరియు దుష్యంతుల తన ప్రేమ కథను వెండితెరపై 'శాకుంతలం' పేరుతో తెరకెక్కించారు. ఈ ప్రేమకథలో సమంత జోడిగా దుష్యంతుడి పాత్రలో మలయాళ నటుడు దేవ్ మోహన్ నటించాడు. సమంత కెరియర్ లో ఇప్పటివరకు పౌరాణిక సినిమాలలో నటించలేదు. ఇదే మొదటిసారి కావడం విశేషం. ఈ సినిమాలో మరో విశేషం అల్లు అర్జున్ కూతురు అర్హ కూడా ఈ సినిమాలో నటించడం. గుణ టీమ్ వర్క్స్, దిల్ రాజు ప్రొడక్షన్స్, పతాకాలపై పాన్ ఇండియా చిత్రంగా నీలిమ గుణ ఈ చిత్రాన్ని నిర్మిస్తున్నారు. ఈ సినిమాకు మణిశర్మ స్వరాలు సమకూర్చారు. త్వరలోనే నిర్మాణాంతర పనులు పూర్తి చేసి ఆ తర్వాత విడుదల తేదీని ప్రకటించే అవకాశం ఉంది. దర్శకుడు గుణశేఖర్ , అనుష్క హీరోయిన్ గా రానా హీరోగా , అల్లు అర్జున్ ప్రధానపాత్రలో నటించిన 'రుద్రమదేవి' సినిమా తో మంచి హిట్ కొట్టాడు. అందుకే 'శాకుంతలం' సినిమాపై జనాలు మంచి అంచనాలే పెట్టుకున్నారు దానికి ప్రధాన కారణం గుణశేఖర్ పౌరాణిక సినిమాలను వెండితెరపై బాగా చూపిస్తాడు అని వారి నమ్మకం.