ఆ వారసుల ఎంట్రీ కోసం ఎంతో ఆశగా ఎదురుచూస్తున్న అభిమానులు
దానికితోడు ఇప్పటికే చాలామంది వారసులు టాలీవుడ్ లో హీరోలుగా ఉండగా ఇప్పుడు వారి వారసులు కూడా టాలీవుడ్ లో ఎంట్రీ ఇవ్వాలని చూస్తున్నారు. నందమూరి ఎన్టీఆర్ వారసుడిగా వచ్చిన బాలకృష్ణ ఆయన వారసుడు మోక్షజ్ఞ ను త్వరలో హీరోగా పరిచయం చేసేందుకు సన్నాహాలు చేస్తున్నాడు. ఇప్పటికే టాలీవుడ్ టాప్ దర్శకుల తో ఎంట్రీ గురించి చర్చించగా త్వరలోనే దీనిపై అధికారిక ప్రకటన వచ్చే అవకాశాలు ఉన్నాయి. ఇక మెగాస్టార్ చిరంజీవి తమ్ముడిగా సినిమా ఇండస్ట్రీ లోకి అడుగుపెట్టిన తనకంటూ ప్రత్యేక ఇమేజ్ ను సంపాదించుకున్న పవన్ కళ్యాణ్ తన కొడుకు అఖిరా ను కూడా త్వరలోనే టాలీవుడ్ హీరోగా పరిచయం చేయబోతున్నాడని తెలుస్తుంది.
సూపర్ స్టార్ కృష్ణ వారసుడు రమేష్ బాబు తాను హీరోగా సక్సెస్ కాలేకపోయినా తన కొడుకును హీరోగా సక్సెస్ చేయించాలని త్వరలోనే టాలీవుడ్ హీరోగా తన వారసుడిని పరిచయం చేస్తున్నాడట. వెంకటేష్ కుమారుడు కూడా త్వరలోనే హీరోగా వచ్చేందుకు రెడీ అవుతున్నాడట. అలాగే రవితేజ సుపుత్రుడు, సురేష్ బాబు చిన్న కొడుకు దగ్గుబాటి అభిరామ్ వంటి వారు కూడా టాలీవుడ్ లో హీరోగా చేయాలని ఉవ్విళ్లూరుతున్నారు. వీరిలో ఎవరు హీరోగా నిలదొక్కుకుని తమ తండ్రుల పేరు నిలబడతారో చూడాలి.