ఫారిన్ భాష నేర్చుకొని అనర్గళంగా మాట్లాడుతూ ఫిదా చేస్తున్న అవికాగోర్..
చిన్నారి పెళ్లి కూతురు సీరియల్ తో బాగా పేరు సంపాదించిన అవికాగోర్ ఆ తర్వాత సినిమా రంగంలో హీరోయిన్ గా ఎంట్రీ ఇచ్చి తన పాపులారిటీ ని విపరీతంగా పెంచుకున్నారు. ప్రస్తుతం ఆమె ఒక సినిమా లో నటిస్తున్నారు. అయితే ఆ సినిమాలోని పాత్ర నిమిత్తము అవికాగోర్ కజక్ భాష నేర్చుకుంటున్నారు. అయితే ప్రస్తుతం ఈ మూవీ టర్కీ దేశంలో చిత్రీకరణ జరుపుకుంటోంది. అయితే టర్కి లో ఉన్న అవికా గోర్ ఒక వీడియో పోస్ట్ చేశారు. ఆ వీడియోలో ఆమె కజక్ భాషలో అనర్గళంగా మాట్లాడుతూ వావ్ అనిపించారు.
ఆ వీడియోకి.. "హాయ్ ఫ్రెండ్స్. నా పేరు అవికా గోర్. కజక్ మూవీలో నటించడం కోసం నేను ఇవాళ అలన్యకు వచ్చాను. నుర్లాన్ కోయంబయేవ్ సినిమాలో నటిస్తున్నా" అని ఆమె కామెంట్ పెట్టారు. అయితే అవికాగోర్ కజక్ భాషలో మాట్లాడిన ఈ వీడియో వైరల్ అవుతోంది.
ఇకపోతే ఇటీవలే అవికా గోర్ నిర్మాతగా కూడా మారారు. అవికా స్క్రీన్ క్రియేషన్స్ పేరిట ఆమె తన సొంత నిర్మాణ సంస్థను ప్రారంభించారు. ఆమె నిర్మాణంలో ఒక తెలుగు సినిమా తెరకెక్కుతోంది. ఈ మూవీ సాయిరోనక్, అవికా గోర్ జంటగా మురళీ నాగ శ్రీనివాస్ గంధం దర్శకత్వంలో రూపొందుతోంది. అయితే కృషి క్రియేషన్స్ తో కలిసి మరొక సినిమా నిర్మించడానికి అవికాగోర్ నడుంబిగించారు. ఈ రెండు సినిమాల్లో ఆమె హీరోయిన్ గా నటిస్తున్నట్లు తెలుస్తోంది. అయితే ఈ రెండు చిత్రాల షూటింగ్ ప్రారంభమయింది.
ఆమె తాజాగా తన ఇన్ స్టాగ్రామ్
వేదికగా షేర్ చేసిన ఫోటో షూట్ కూడా అభిమానులను బాగా ఆకర్షిస్తోంది. ఈ ఫోటోషూట్లో ఆమె జీబ్రా కలర్ పోలిన వస్త్రధారణలో కనిపించారు. ఏది ఏమైనా చైల్డ్ ఆర్టిస్ట్ గా సీరియళ్లలో నటించిన అవికా గోర్ అంచలంచలుగా ఎదిగి ఇప్పుడు స్టార్ హీరోయిన్ అయ్యారు.