'ఇండేన్ గ్యాస్' కస్టమర్లు ఇది గమనించారా?
ఇండేన్ గ్యాస్ వినియోగదారులకు డెలివరీ ఇచ్చే విషయంలో పలు జాగ్రత్తలను పాటిస్తోంది. బుక్ చేసుకున్న గ్యాస్ సిలిండర్లు ఇళ్లకు జాగ్రత్తగా చేరేందుకు గాను ప్రత్యేక కోడింగ్ పద్ధతిని సిద్దం చేసింది. అదేమిటంటే..?? డి ఎ సి కోడ్ (డెలివరీ ప్రామాణీకరణ కోడ్) ద్వారా ఇంటికి గ్యాస్ సిలిండర్ను ఆర్డర్ చేసుకునేలా సౌకర్యాన్ని కల్పించింది ఇండియన్ ఆయిల్. అదేమిటంటే వీరు ఇండేన్ గ్యాస్ సిలిండర్ ను బుక్ చేసే సమయంలో.. ఈ డి ఎ సి కోడ్ అనేది SMS ద్వారా ఖాతాకు జత చేసినటువంటి రిజిస్టర్ మొబైల్ నెంబర్కు వస్తుంది. ఇది నాలుగంకెలను కలిగి ఉండేటటువంటి కోడ్.
ఇది... ఒక రకంగా OTP లాగా అన్నమాట. అనంతరం గ్యాస్ సిలిండర్ ఇంటికి డెలివరీ తీసుకొచ్చే డెలివరీ బాయ్ కి కనుక మీకు ముందుగా వచ్చిన DAC కోడ్ కనుక చెప్తే, అతడు మీకు సిలిండర్ ని అంద జేస్తాడు. ఈ కోడ్ వలన మీ పేరు మీద వేరెవ్వరు సిలిండర్ తీసుకునే అవకాశం ఉండదు. కాగా గ్యాస్ ధరలు రోజు రోజుకి ఆకాశాన్నంటుతున్నాయి. రానున్న కాలంలో మరింత పెరిగే అవకాశం ఉంది. ముఖ్యంగా ఈ గ్యాస్ భారం నిరుపేదలపై భారీగా పడుతోంది.