ചെരിപ്പില്ലാതെയുള്ള നടത്തം നല്ലതാണ്....

Divya John
ആർക്കും എപ്പോൾ വേണമെങ്കിലും എവിടെ വേണമെങ്കിലും ചെയ്യാവുന്ന ഏറ്റവും ലളിതമായ വ്യായാമ മുറയാണ്  നടത്തം. ആരോഗ്യകരമായ ഗുണങ്ങൾക്കായി ആരോഗ്യകരമായ നടത്തമെന്നതും ഏറെ പ്രധാനമാണ്. നാം പൊതുവേ പറയും, ആരോഗ്യത്തിന് ചെരിപ്പിട്ടു നടക്കണം എന്നത്. വൃത്തിയുടെ പാഠം കൂടി അടിസ്ഥാനമാക്കിയാണ് ഇത് പറയുന്നത്. എന്നാൽ ആരോഗ്യത്തിനായി നടക്കുമ്പോൾ ചെരിപ്പല്ലാതെ നടക്കുന്നതും ആരോഗ്യകരമാണെന്നതാണ് വാസ്തവം. ചെരിപ്പില്ലാതെ നടക്കുന്നത് ആരോഗ്യത്തിന് ഏറെ ഗുണങ്ങൾ നൽകുന്ന ഒന്നാണ്. കുട്ടികൾ ചെരിപ്പില്ലാതെ മുറ്റത്തും വയൽവരമ്പുകളിലുമൊക്കെ കളിക്കുന്നത് കണ്ടിട്ടില്ലേ? ഇവരുടെ രോഗപ്രതിരോധശക്തി മറ്റുള്ളവരെ അപേക്ഷിച്ച് വളരെ കൂടുതലാണെന്ന് പഠനങ്ങൾ തെളിയിക്കുന്നുണ്ട്.തുടക്കത്തിൽ ചെരിപ്പില്ലാതെയുള്ള നടത്തം ചില അസ്വസ്ഥതകളുണ്ടാക്കാനിടയുണ്ട്.

ഇങ്ങനെ മണ്ണിലൂടെയും മറ്റ് പരുക്കൻ പ്രതലങ്ങളിലൂടെയുമൊക്കെയുള്ള നടത്തം ഉണ്ടാക്കുന്ന അസ്വസ്ഥതകളും വേദനകളും ക്രമേണ ശരീരത്തിന്റെ പ്രതിരോധശേഷിയെ വർധിപ്പിക്കുന്നു. പേശികളുടെ ബലക്കുറവ് പരിഹരിക്കപ്പെടുന്നതോടെ ശരീരവും കാലുകളും കൂടുതൽ ശക്തമാകുന്നു. ചെരിപ്പില്ലാതെ നടത്തം ശീലിക്കുന്നവർ കൂടുതൽ ഉന്മേഷവാന്മാരും ഊർജ്ജസ്വലരുമായി കാണപ്പെടുന്നതിന്റെ കാരണം ഇതാണ്.അവയവങ്ങളുടെ സുഗമമായ പ്രവർത്തനങ്ങൾക്ക് ആരോഗ്യമുള്ള ശരീരം വേണം. ആരോഗ്യമുള്ള ശരീരത്തിന് ശക്തമായ രോഗപ്രതിരോധ സംവിധാനങ്ങൾ ശരീരത്തിലുണ്ടാകണം. കാൽപാദങ്ങളിലെ നാഡികളുടെ ഉദ്ദീപനം രോഗപ്രതിരോധ ശക്തി കൂട്ടാൻ സഹായിക്കുന്നു. നഗ്നപാദരായി റോഡിലൂടെയോ, മണലിലൂടെയോ ചരലിന്റെ മുകളിലൂടെയോ ഒക്കെ നടക്കുന്നത്പ്ര കാലിനടിയിലുള്ള പ്രഷർ പോയിന്റുകളെ ഉദ്ദീപിപ്പിക്കുന്നതിനാൽ ഹൃദയത്തിന്റെയും രക്തധമനികളുടെയും പ്രവർത്തനം കൂടുതൽ കാര്യക്ഷമാകുകയും തലച്ചോറിന്റെ പ്രവർത്തനത്തെ ത്വരിതപ്പെടുത്തുകയും ചെയ്യുന്നു.

മുമ്പ് സൂചിപ്പിച്ചതു പോലെ, രാവിലെകളിൽ ചെരിപ്പില്ലാതെയുള്ള നടത്തം ശീലിക്കുന്നത്, കാലിനടിയിലെ പ്രഷർ പോയിന്റുകളെ ഉത്തേജിപ്പിക്കുകയും കാഴ്ചശക്തിയുൾപ്പടെ ഞരമ്പുകളുടെ പ്രവർത്തനങ്ങളെ മെച്ചപ്പെടുത്തുകയും ചെയ്യുന്നതിനാൽ വിവിധ ഡോക്ടർമാർ ചെരിപ്പില്ലാ നടത്തം പ്രോത്സാഹിപ്പിക്കുന്നുണ്ട്.സ്ത്രീകളിൽ ഉണ്ടാകുന്ന ആർത്തവസംബന്ധമായ അസന്തുലിതാവസ്ഥകൾ പരിഹരിക്കാനും ചെരിപ്പില്ലാതെയുള്ള നടത്തം നല്ലതാണ്. അതായത് ആർത്തവത്തോടനുബന്ധിച്ചുള്ള മാനസിക-ശാരീരിക വ്യതിയാനങ്ങളും, ശരീരഭാരം വർദ്ധിക്കുന്ന അവസ്ഥ, തലവേദന, വയറുവേദന, മലബന്ധം തുടങ്ങിയവ മൂലമുണ്ടാകുന്ന അസ്വസ്ഥതകളും ലഘൂകരിക്കാൻ ചെരിപ്പില്ലാതെ ദിവസവും കുറച്ചു സമയം നടത്തം ശീലിക്കാം.നടത്തം കാൽപാദങ്ങളിലെ നാഡികളെ ഉത്തേജിപ്പിക്കുന്നതു മൂലം മനസ്സിന്റെ ആയാസങ്ങൾ കുറയുമെന്നതിനാൽ രക്തസമ്മർദ്ദവും കൂടാതെ സഹായിക്കും.മണ്ണിലടങ്ങിയിരിക്കുന്ന ഇലക്ട്രോണുകൾക്ക് മനുഷ്യ ശരീരത്തിലെ രോഗ പ്രതിരോധ വ്യവസ്ഥയെ സ്വാധീനിക്കാനുള്ള കഴിവുണ്ട്.

ചെരിപ്പിന്റെ ഉപയോഗമില്ലാത്ത മണ്ണിലൂടെ നടക്കുമ്പോൾ കാലിനടിയിലെ കോശങ്ങൾ ഈ ഇലട്രോണുകൾ വലിച്ചെടുക്കുന്നു. ഇത് ശരീരത്തിലെ ഓക്സിജന്റെ അളവ് വർധിപ്പിക്കുകയും തന്മൂലം പേശികൾക്കുണ്ടാകുന്ന വലിവും വേദനയും കുറക്കുകയും ചെയ്യുന്നു. ചെരിപ്പില്ലാതെ നടക്കുന്നതിലൂടെ മണ്ണിനടിയിൽനിന്നും സ്വീകരിക്കപ്പെടുന്ന ഇലക്ട്രോണുകൾ മനുഷ്യശരീരത്തിൽ ആന്റി ഓക്സിഡന്റുകളായി പ്രവർത്തിക്കുകയും അതുവഴി ശരീരത്തിലുണ്ടാകുന്ന വീക്കങ്ങളെ പ്രതിരോധിക്കുകയും ചെയ്യുന്നു. ദഹനപ്രക്രിയ സുഗമമാക്കാനും ചെരിപ്പില്ലാ നടത്തം വളരെ പ്രയോജനകരമാണ്.പ്രായപൂർത്തിയായ ഒരാൾക്ക് ആരോഗ്യമുള്ള മനസ്സും ശരീരവും ഉറപ്പു വരുത്താൻ കുറഞ്ഞത് ഏഴ് മണിക്കൂറെങ്കിലും ഉറക്കം അനിവാര്യമാണ്. പച്ചപ്പുല്ലിന് മീതെ ചെരിപ്പില്ലാതെയുള്ള നടത്തം ശീലമാക്കുന്നത് ഉറക്കമില്ലായ്മ പരിഹരിക്കാൻ സഹായിക്കുമത്രേ.

Find Out More:

Related Articles: