కమ్మ సీట్లలో ఇతరులు..జగన్ బిగ్ రిస్క్ చేస్తున్నారా?
వాస్తవంగా మోజార్టీ నియోజవకర్గాల్లో అత్యధిక కులస్థులు బీసీలు, ఆ తర్వాత ఎస్సీలు ఉంటారు. కానీ రాజకీయంగా వారికి ప్రాధాన్యం అంతంతమాత్రంగానే ఉంటుంది. కొన్ని కొన్ని సీట్లు ప్రత్యేకంగా ఈ కులం అయితేనే గెలుస్తారు అనే ముద్ర పడింది. విజయవాడ కమ్మ సామాజిక వర్గం అయితేనే గెలుస్తారు. రాష్ట్ర ఆవిర్భావం ముందు ఆ తర్వాత కూడా ఇప్పటికీ అక్కడ కమ్మ సామాజిక వర్గ నేతలే పోటీలో ఉన్నారు. వైసీపీ కేశినేని నానికి, టీడీపీ ఆయన సోదరుడు కేశినేని చిన్నికి అవకాశం కల్పించింది.
కానీ మిగతా చోట్ల ఆ సంప్రదాయానికి వైఎస్ జగన్ ముగింపు పలికారు. రాజమండ్రి సీటును ఎక్కువగా కమ్మ సామాజిక వర్గ నేతలకు ఇస్తుంటారు. కానీ ఈ దఫా బీసీలకు కేటాయించారు. నర్సాపురం అంటే రాజులే గుర్తుకు వస్తారు. అక్కడ గతంలో వైసీపీ నుంచి రఘురామకృష్ణం రాజు గెలుపొందారు. ఆ తర్వాత పార్టీకి రెబల్ గా మారారు. కానీ ఈ సారి అక్కడ బీసీ సామాజిక వర్గానికి చెందిన శెట్టి బలిజ కులస్థులకు కేటాయించారు.
అలాగే ఏలూరులో కమ్మ సామాజిక వర్గం చాలా బలంగా ఉంటుంది. కానీ ఈ సారి ఆస్థానాన్ని జగన్ బీసీలను నిల్చొబెట్టారు. గుంటూరు లో ఎప్పుడూ కమ్మ సామాజిక వర్గానికి చెందిన నేతలే రెండు పార్టీల నుంచి తలపడుతుంటారు. కానీ ఈ సారి ఆ స్థానాన్ని కాపు సామాజిక వర్గానికి కేటాయించారు. అలాగే నర్సరావు పేట ను కూడా జనరల్ నుంచి బీసీకి మార్చడం ఇలా సంప్రదాయ సీట్లు అనే చోట్ల అభ్యర్థులను, వర్గాలను మార్చడం రాజకీయంగా మేలు చేకూరుస్తుందా లేదా అనేది వేచి చూడాలి.