జగన్పై అభాండం.. తప్పు ఒప్పుకున్నట్టేనా?
మూడు సంవత్సరాల క్రితం ఏపీ హైకోర్టులో పనిచేస్తున్న న్యాయమూర్తికి రూ.రెండు కోట్ల విలువైన వజ్రాలు పొదిగిన వాచ్ ను గిఫ్ట్ గా ఇచ్చేందుకు ప్రయత్నం జరిగిందని కానీ.. ఆ న్యాయమూర్తి దానిని తిరస్కరించడమే కాదు సుప్రీంకోర్టుకు అధికారికంగా ఫిర్యాదు చేసినట్లు ఓ వార్తా పత్రిక కథనం రాసుకొచ్చింది. దీనిపై సర్వోన్నత న్యాయస్థానం కేంద్ర నిఘా సంస్థల సాయంతో విచారణ జరిపినట్లు తెలుస్తోంది. ఈ వ్యవహారం బయటకు రావడంతో హాట్ టాపిక్ గా మారింది.
జగన్ తరఫున ఓ టీటీడీ అధికారి, ఒక రాజ్యసభ సభ్యుడు ఈ విషయంలో కీలకంగా వ్యవహరించినట్లు ఆరోపణలు వస్తున్నాయి. కీలక న్యాయమూర్తుల ఇళ్లలో జరిగిన ఫంక్షన్లకు పిలవకపోయినా వీరు వెళ్లారని ఈ క్రమంలోనే వారికి ఖరీదైన బహుమతులు గిఫ్ట్ గా ఇవ్వబోయారని.. ఇలా ఇచ్చే వాటి విలువ కోట్ల రూపాయల్లో ఉంటుందని ప్రచారం జరుగుతోంది. వీరు న్యాయమూర్తులకు ఇచ్చిన బహుమతుల విషయంలో త్వరలో పూర్తిస్థాయి స్పష్టత రానుందని టాక్ నడుస్తోంది.
జగన్ ఈ విధంగా న్యాయవ్యవస్థను మేనేజ్ చేసేందుకు యత్నిస్తున్నారని రాసుకొచ్చింది. అయితే ఆ జడ్జి లొంగలేదని స్పష్టం చేసింది. అయితే ఈ విషయమై ఏపీ సీఎం ఇప్పటి వరకు స్పందించలేదు. తన పత్రిక సాక్షిలో కూడా ఎలాంటి ఖండన వార్త రాలేదు. అంటే జగన్ తప్పును ఒప్పుకున్నట్లేనా.. అనే గుసగుసలు రాజకీయ వర్గాల్లో వినిపిస్తున్నాయి. ఆయన నిజంగా ఈ తప్పు చేశారా అనే అనుమానాలు వ్యక్తం అవుతున్నాయి. తేలాల్సి ఉంది.