బాబు అరెస్ట్: టీడీపీ భారీగా పుంజుకుంటోందా?
జగన్ నేతృత్వంలోని వైసీపీకి 15 లోక్ సభ స్థానాలు, టీడీపీకి 10 స్థానాలు వస్తాయని అంచనా వేసింది. 2019తో పోల్చితే వైసీపీ 7 స్థానాలు కోల్పోనుండగా.. టీడీపీ ఆ స్థానాల్లో విజయం సాధిస్తుందని చెప్పింది. ఓట్ల శాతానికి వస్తే వైసీపీకి 46 శాతం, టీడీపీకి 42 శాతం వచ్చే అవకాశం ఉందని తెలిపింది. తెలంగాణ విషయానికొస్తే అధికార బీఆర్ఎస్ కు గత ఎన్నికల్లో 9 సీట్లు రాగా ఈ సారి ఒక స్థానం కోల్పోయి ఎనిమిదింటితో సరిపెట్టుకుంటుందని చెప్పింది. కాంగ్రెస్ కు 2, బీజేపీకి మాత్రం 6 స్థానాలు వస్తాయని అంచనా వేసింది. అసెంబ్లీ ఎన్నికల్లో మాత్రం బీఆర్ఎస్, కాంగ్రెస్ మధ్యే పోటీ ఉంటుందని తెలిపింది.
దేశంలో ఇతర రాష్ట్రాల పరిస్థితి చూస్తే 282 సీట్లలో చేసిన సర్వేలో ఎన్డీయే కూటమికి 118, ఇండియా కూటమికి 110 సీట్లు వస్తాయని తెలిపింది. బీజేపీ పాలిత రాష్ట్రాలతో పాటు కాంగ్రెస్ పాలిత రాష్ట్రాల్లోను బీజేపీ తన హవా కొనసాగిస్తుందని తెలిపింది. పశ్చిమ బెంగాల్ లో బీజేపీకి 10, తృణమూల్ కాంగ్రెస్ కు 36 స్థానాలు, రాజస్థాన్ లో బీజేపీకి 23, కాంగ్రెస్ కు 2, ఛత్తీస్ గఢ్ లో బీజేపీకి 7, కాంగ్రెస్ 4, తమిళనాడులో డీఎంకే 21 , అన్నా డీఎంకే 6 సీట్లు గెలుచుకుంటాయని అంచనా వేసింది.