നടി ശാരി വീണ്ടും സിനിമയിലേയ്ക്ക്; 'വിഡ്ഢികളുടെ മാഷ്' ടൈറ്റിൽ പോസ്റ്റർ പുറത്ത്!
നടി ശാരി വീണ്ടും സിനിമയിലേയ്ക്ക്; 'വിഡ്ഢികളുടെ മാഷ്' ടൈറ്റിൽ പോസ്റ്റർ പുറത്ത്! 'വിഡ്ഢികളുടെ മാഷ്' എന്നാണ് ശാരി അഭിനയിക്കുന്ന സിനിമയ്ക്ക് പേര്. സിനിമയുടെ ടൈറ്റിൽ പോസ്റ്റർ പുറത്തിറങ്ങി. നടി ശാരി , പ്രൊഡക്ഷൻ ഡിസൈനർ ബാദുഷ എൻ എം, ദേവ് മോഹൻ, വിഷ്ണു ഗോവിന്ദൻ, ബിലഹരി, ദേശീയ അവാർഡ് ജേതാവ് സുരഭി ലക്ഷ്മി, വി കെ പ്രകാശ്, പ്രജേഷ് സേനൻ, സിനിമയിലെ നായിക അഞ്ജലി നായർ എന്നിവരുടെ സോഷ്യൽ മീഡിയ പേജുകളിലൂടെയാണ് പോസ്റ്റർ പുറത്ത് വന്നിരിക്കുന്നത്.
പോസ്റ്ററിന് മികച്ച സ്വീകാര്യതയാണ് ലഭിച്ചിരിക്കുന്നത്. നിരവധി ശ്രദ്ധേയ സിനിമകളിലൂടെ മലയാളത്തിൽ ഏറെ പേരുകേട്ട നടി നടി ശാരി മടങ്ങിയെത്തുന്നു. ദിലീപ് മോഹൻ തന്നെ കഥയും തിരക്കഥയും എഴുതിയ ചിത്രത്തിൽ മണിയൻപിള്ള രാജു , അനീഷ് ഗോപാൽ, തമിഴ് നടൻ മനോബാല , മണികണ്ഠൻ പട്ടാമ്പി( മറിമായം) , സുനിൽ സുഗത , നിർമ്മൽ പാലാഴി , രാജേഷ് പറവൂർ എന്നീ സീനിയർ താരങ്ങളും സോഷ്യൽ മീഡിയ താരങ്ങളായ അഖിൽ സി. ജെ, സ്റ്റീവ്, ദിവിൻ പ്രഭാകർ, ദിലീപ് പാലക്കാട് , അമേയ തുമ്പി എന്നിവരും അണിനിരക്കുന്നു. നവാഗതനായ അനീഷ് വിഎ യുടെ സംവിധാനത്തിൽ ഒരുങ്ങുന്ന സിനിമയിൽ ദിലീപ് മോഹൻ, അഞ്ജലി നായർ, ശാരി എന്നിവരെ പ്രധാന വേഷത്തിൽ അവതരിപ്പിക്കുന്നു.
ശരിയായ അദ്ധ്യാപനം , ഒരു അദ്ധ്യാപകൻറെ ജീവിതത്തിലൂടെ വരച്ച് കാട്ടുവാൻ ശ്രമിക്കുന്ന കഥയിൽ പുതിയ തലമുറയും പഴയ തലമുറയും തമ്മിലുള്ള സൗഹൃദങ്ങളും, ഹൃദയബന്ധങ്ങളും മാറ്റുരക്കുന്ന ഒരു ഫീൽ ഗുഡ് മൂവിയാണ് ഇതെന്ന് നീണ്ട ഇടവേളക്ക് ശേഷം നല്ലൊരു കഥാപാത്രം ചെയ്യാനെത്തിയ മലയാളത്തിൻറെ സ്വന്തം മുന്തിരിത്തോപ്പുകളുടെ രാജ്ഞി ശാരി (സോളമൻറെ സ്വന്തം സോഫിയ) അഭിപ്രായപ്പെട്ടു.
ബിജിബാൽ സംഗീതം ഒരുക്കിയിരിക്കുന്ന സിനിമയിൽ റഫീഖ് അഹമ്മദിന്റെ വരികൾ പാടിയിരിക്കുന്നത് കെ എസ് ചിത്രയും സൂരജ് സന്തോഷുമാണ്. മാഫിയ ശശി സംഘട്ടനം ഒരുക്കിയിരിക്കുന്നു. നർമ്മവും , ആക്ഷേപ ഹാസ്യത്തിലും പൊതിഞ്ഞ് ഈ വിഷ്വൽ ട്രീറ്റ് ബാംഗ്ലൂരിലെ പ്രൊഡക്ഷൻ കമ്പനിയായ ബാക്ക് ബെഞ്ചേഴ്സ് ഡ്രാമയാണ് നിങ്ങളിലേക്ക് എത്തിക്കുന്നത്.