స్మరణ : మా ఊరికి వచ్చిన బాలు ? ఏమన్నారంటే!
చెల్లాయ్ శైలజ నూ వేదికపై అభినందించి, తన పాటల ప్రస్థానాన్నీ వివరించారు. ఎన్నో హుషారు గీతాలు పాడి తన గొంతకకు ఇంకా శ్రావ్యత తగ్గిపోలేదని, మాధుర్యం అన్నది ఎక్కడికీ పోలేదని చెబుతారు. ఆయనకు మా ప్రాంతంలో ఉండి ఎదిగి వచ్చిన జాలాది (పుణ్య భూమి నా దేశం నమో నమామి పాట రాసిన కవి) అంటే ఎంతో ఇష్టం. జాలాది రాజారావు అన్నది ఆయన పూర్తి పేరు. జాలాది పాట ఏత మేసి తోడినా ఏరు ఎండదు అనే పల్లవితో ప్రాణం ఖరీదు సినిమాలో వినిపించింది. ఆ పాట గురించి ఎప్పుడు చెప్పినా ఎంత గొప్పగా వివరిస్తారో!
ఆ ఒక్క పాట అనే కాదు సాహిత్యం వినిపించే వేళ, స్వర సాహిత్యం వివరించే వేళ బాలు ఆ రోజు ఎంత గొప్పగా కనిపించారో! డియర్ సర్ వి మిస్ యూ.. మా ప్రాంతం పిల్లలను మీరు దీవించిన రోజు మరువను.. మా ప్రాంతం గాయకులు ఇవాళ మీకు మా ఊళ్లో మా జిల్లా కేంద్రంలో (శ్రీకాకుళం జిల్లా కేంద్రంలో) స్వర నీరాజనాలు అర్పిస్తున్నారు. అందుకోండి మీరు. స్థానిక బాపూజీ కళా మందిరంలో ఉదయం తొమ్మిది గంటల నుంచి మధ్యాహ్నం 12 గంటల వరకు,, తిరిగి సాయంత్రం 4 గంటల నుంచి రాత్రి 8 గంటల వరకూ స్వర నిరాజనం చేయనున్నారు ఇవాళ.. నా స్నేహితులు నడిపే మిత్రా ఫౌండేషన్ , సిక్కోలు ఫ్యూచర్స్ ఫౌండేషన్ సంయుక్తంగా ఈ రాగ అర్చనను మీకు నివాళిగా అందించనున్నాయి. అందుకోండి. బాలూ సర్ వి మిస్ యూ.....