నోనూరించే ` చికెన్ పచ్చడి ` సింపుల్‌గా చేసుకోండిలా..
కావాల్సిన పదార్థాలు:
బోన్‌లెస్‌ చికెన్ - రెండు కిలోలు
కారం - కిలోన్నర
ఆవపిండి - పది స్పూన్లు
పసుపు - రెండు స్పూన్లు
ఉప్పు- కిలో
జీలకర్ర పొడి - పది స్పూన్లు
మెంతిపిండి - పది స్పూన్లు
ఆమ్‌చూర్‌ పౌడర్‌ - పది స్పూన్లు
నూనె - తగినంత
కరివేపాకు - నాలుగు రెబ్బలు
జీలకర్ర - రెండు స్పూన్లు
ఆవాలు - రెండు స్పూన్లు
ఎండుమిర్చి - పది
వెల్లుల్లి రెబ్బలు - పావుకిలో
తయారీ విధానం:
ముందుగా చికెన్‌ను ముక్కలుగా కోసి శుభ్రంగా కడగాలి. తర్వాత ఉప్పు, పసుపు వేసి ఉడికించి, ఓ రోజంతా ఎండబెట్టాలి. తర్వాత రోజు ఈ ముక్కల్లో మెంతిపిండి, ఆవపిండి, కారం, జీలకర్ర పొడి, ఆమ్‌చూర్‌ పౌడర్‌ వేసి బాగా కలపాలి. కొద్దిగా నూనె వేడిచేసి.. కరివేపాకు, జీలకర్ర, ఆవాలు, ఎండుమిర్చి, వెల్లుల్లి రెబ్బలతో తాలింపు పెట్టాలి.
ఈ తాలింపును చికెన్ ముక్కల్లో వేసి కలిపి, మూత బిగుతుగా ఉండే జాడీలో పెట్టాలి. పచ్చడి అంతా మునిగే వరకూ నూనె పోసి, మూత పెట్టెయ్యాలి. మూడు, నాలుగు రోజుల పాటు ఊరితే స‌రిపోతుంది. అంటే నోనూరించే చికెన్ పచ్చడి రెడీ..!