రష్మికను అందుకే ఆ సినిమా నుండి తీసేసాం.. వెంకీ కుడుముల..?
టాలీవుడ్ హీరో నటుడు నితిన్ హీరోగా శ్రీ లీలా హీరోయిన్గా వెంకీ కుడుముల దర్శకత్వంలో రాబిన్ హుడ్ అనే సినిమా రూపొందిన విషయం మన అందరికీ తెలిసిందే. ఈ సినిమాకు జీ వీ ప్రకాష్ కుమార్ సంగీతం అందించగా ... మైత్రి సంస్థ వారు ఈ మూవీ ని నిర్మించారు. ఇకపోతే ఈ సినిమాకు సంబంధించిన అనౌన్స్మెంట్ విడుదల అయిన సమయంలో ఈ మూవీ బృందం వారు ఓ వీడియోను విడుదల చేశారు. ఆ వీడియోలో ఈ సినిమాకు దర్శకత్వం వహిస్తున్న వెంకీ కుడుముల హీరోగా నటిస్తున్న నితిన్ ఈ సినిమాకు మ్యూజిక్ డైరెక్టర్గా వ్యవహరిస్తున్న జీ వీ ప్రకాష్ కుమార్ తో పాటు ఈ మూవీ లో హీరోయిన్ గా నటించనున్నట్లు రష్మిక తో కలిపి ఒక వీడియోను విడుదల చేశారు.
అలా ఈ సినిమాలో రష్మిక హీరోయిన్గా కనిపించబోతున్నట్లు మేకర్స్ అధికారిక ప్రకటనను విడుదల చేశారు. ఆ తర్వాత ఏమైందో ఏమో తెలియదు కానీ ఈ సినిమా నుండి రష్మిక తప్పుకుంది. ఆ స్థానంలో ఈ మూవీ బృందం వారు శ్రీ లీలా ను హీరోయిన్గా తీసుకున్నారు. ఇకపోతే రాబిన్ హుడ్ మూవీ ని ఈ సంవత్సరం డిసెంబర్ 25క్వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో తాజాగా ఈ మూవీ బృందం వారు ఓ ప్రెస్ మీట్ ను నిర్వహించారు. అందులో భాగంగా ఈ సినిమా దర్శకుడు అయినటువంటి వెంకీ కుడుముల , రష్మిక మందనను ఈ సినిమా నుండి తీసివేయడానికి గల కారణాలను చెప్పుకొచ్చాడు.
తాజాగా వెంకీ కుడుముల మాట్లాడుతూ ... మేము మొదట ఈ సినిమాలో రష్మికను హీరోయిన్గా అనుకున్నాం. కానీ అదే సమయంలో ఆమె చాలా సినిమాలకు కమిట్ అయింది. మా సినిమాకు ఇచ్చిన తేదీలనే వేరే సినిమాలకు కూడా ఇచ్చి ఉంది. దానితో అలా డేట్ క్లాష్ రావడం వల్ల ఆమె మా సినిమాలో నటించడం కష్టం అయింది. అందుకే రష్మిక మా సినిమా నుండి తప్పుకుంది అని వెంకీ కుడుముల చెప్పుకొచ్చాడు.