బాల్య వివాహం.. బాలిక ప్రాణం తీసింది.. ఏం జరిగిందంటే?
అయితే శారీరక వికాసం లేని సదరు బాలిక చివరికి గర్భవతి అయింది. దీంతో శిశు తో పాటు బాలిక కూడా ప్రాణాలు వదిలింది. హృదయ విదారక ఘటన కృష్ణా జిల్లాలో వెలుగులోకి వచ్చింది అని చెప్పాలి. చల్లపల్లి మండలం పురిటిగడ్డ ప్రాంతానికి చెందిన ఎస్టి బాలిక ఏడో తరగతి చదువుతుండగా.. ఆమెకు తండ్రి లేడు. అయితే శారద నగర్ కు చెందిన 30 ఏళ్లు దాటిన వ్యక్తికి బాలికను ఇచ్చి వివాహం చేసింది తల్లి. తనకు ఇష్టం లేదు అని చెప్పినా కూడా వినలేదు. ఇక చివరికి శారీరకంగా అప్పటికి ఎదుగుదల లేని అమ్మాయి పెళ్లి అయిన తర్వాత గర్భం దాల్చింది.
తన కూతురు తల్లి కాబోతుంది అని బాలిక తల్లి ఎంతో సంతోష పడి పోయింది. కానీ నెలలు గడుస్తున్నా కొద్దీ బాలిక ఆరోగ్యం క్షీణిస్తూ వచ్చింది. చివరికి ఓ రోజు పుట్టింటికి చేరుకుంది బాలిక. పరిస్థితి విషమించడంతో ప్రైవేట్ ఆస్పత్రికి వెళ్లారు. అక్కడ వైద్యులు చేతులెత్తేయడంతో చివరికి విజయవాడలోని ఓ ఆస్పత్రికి వెళ్లారు. పదిహేను రోజుల క్రితమే బాలిక గర్భంలో ఉన్న శిశువు మృతి చెందగా రెండు రోజుల క్రితం ఆరోగ్యం క్షీణించి బాలిక కూడా మరణించింది. అయితే ఈ విషయం ఎక్కడా బయటకి పొక్కకుండా అంత్యక్రియలు నిర్వహించారు కుటుంబ సభ్యులు. ఈ ఘటన కాస్త సంచలనంగా మారిపోయింది అని చెప్పాలి.