ఇండియా పరువు తీస్తున్న ఎయిర్ ఇండియా?
ఇండియా పరువు తీస్తున్న ఎయిర్ ఇండియా? తాజాగా మరో దారుణం? ఎయిర్ ఇండియా ప్రయాణికులకు వరుసగా షాకుల మీద షాకులు ఇచ్చేస్తూ ఇండియా పరువు తీస్తుంది. తాజాగా ఓ ప్రయాణికుడు తాను తినే భోజనంలో ‘మెటల్ బ్లేడ్’ వచ్చినట్లు తెలిపారు. ఈ ఘటనపై జర్నలిస్ట్ మాథుర్స్ పాల్ సోషల్ మీడియాలో రియాక్ట్ అయ్యారు.జూన్ 9వ తేదీన AI 175 విమానం బెంగళూరు నుంచి శాన్ ఫ్రాన్సిస్కోకు వెళ్తుండగా ఈ ఘటన జరిగినట్లు ప్రయాణికుడు పేర్కొన్నారు. ఈ నేపథ్యంలో ఎయిరిండియా సంస్థ దర్యాప్తు చేస్తోంది. ప్రయాణికుడు ఎక్స్ లో పోస్ట్ చేస్తూ.. “ఎయిర్ ఇండియా విమానంలో క్యాటరింగ్ అందించే ఫిగ్ చాట్ డిష్లో బ్లేడ్ కనిపించిదని అతను పేర్కొన్నాడు. అయితే.. తన కోసం తన ఫుడ్ రాగానే దానిని చూడకుండా.. రెండు మూడు సెకన్ల పాటు నమిలిన తర్వాత తన ఆహారంలో ఏదో ఉందని గ్రహించానని.. ఆ తర్వాత ఉమ్మివేయగానే, అది బయటపడిందని ఆ ప్రయాణికుడు తెలిపాడు. ఏదైనా విమానంలో బ్లేడ్ కలిగి ఉండటం చాలా ప్రమాదకరమని.. ఆ బ్లేడు నాలుకకు కోసి ఉంటే నా పరిస్థితి ఏంటని ఎయిర్ ఇండియాని ప్రశ్నించారు.