పాకిస్థాన్కి కరోనాపై పోరులో మరో ఎదురు దెబ్బ 48 మంది డాక్టర్లు రాజీనామా..!
కరోనాపై పోరులో పాకిస్థాన్ ప్రభుత్వానికి ఎదురుదెబ్బ తగిలింది. వైరస్ను కట్టడి చేయటంలో ముందుడే వైద్యులకే సరైన రక్షణ కల్పించటం లేదనే కారణంతో పంజాబ్ రాష్ట్రంలోని బోధనా ఆస్పత్రులకు చెందిన 48 మంది డాక్టర్లు రాజీనామా చేశారు.48 మంది యువ వైద్యుల రాజీనామాలు ఆమోదించినట్లు నోటిఫికేషన్ జారీ చేసింది పంజాబ్ ఆరోగ్య శాఖ.ప్రభుత్వం ఇకనైనా స్పందించకపోతే మరింత మంది వైద్యులు రాజీనామా చేస్తారని హెచ్చరించారు.
అయితే.. ప్రభుత్వం వైద్యులకు, సిబ్బందికి అన్ని రకాల భద్రత కిట్లు అందించినట్లు రాష్ట్ర ఆరోగ్య శాఖ మంత్రి డా. యాస్మిన్ రషీద్ తెలిపారు.పాకిస్థాన్లో ఇప్పటి వరకు 5,000 మంది ఆరోగ్య నిపుణులు వైరస్ బారిన పడ్డారు. అందులో 3వేల మంది డాక్టర్లు, 600 మంది నర్సులు ఉన్నారు. మొత్తం 70 మంది వైద్యులు కరోనా బారిన పడి ప్రాణాలు కోల్పోయారు. అందులో 35 మంది వైద్యులు పంజాబ్ వారే ఉండటం గమనార్హం.