సోషల్ మీడియా వేదికగా తమ తండ్రికి విషెస్ తెలిపిన అల్లు వారింటి హీరోలు....
కాగా అల్లు అరవింద్ నేడు 72వ ఏట అడుగుపెట్టిన సందర్భంగా అల్లు అర్జున్ ఇప్పుడు మరోసారి తండ్రిపై తనకున్న ప్రేమను చాటుకున్నారు. తన తండ్రికి సోషల్ మీడియా ద్వారా పుట్టినరోజు శుభాకాంక్షలు తెలిపారు. ‘‘ఇలాంటి రోజులు మీరు మరిన్ని జరుపుకోవాలి నాన్న. మీకు తెలిసిన ప్రతి ఒక్కరి కోసం ప్రతి విషయంలో సహాయంగా ఉన్నందుకు ధన్యవాదాలు. మా జీవితాల్లో నీలాంటి ఒక వ్యక్తి ఉండటం చాలా అదృష్టం. ఈ పుట్టినరోజు మిమ్మల్ని మరింత యువకుడిలా మార్చాలి’’ అని అల్లు అర్జున్ పేర్కొన్నారు. ఇక అల్లు అర్జున్ తర్వాత అతని తమ్ముడు అల్లు శిరీష్ కూడా తమ తండ్రి అల్లు అరవింద్ కి పుట్టినరోజు శుభాకాంక్షలు తెలిపారు. ‘గాడ్ఫాదర్’ నవలలోని కల్పిత పాత్ర అయిన డాన్ కార్లియోనీతో తన తండ్రిని పోల్చారు శిరీష్. పబ్లిక్లో తన తండ్రి గురించి బోలెడన్ని మాటలు చెప్పడానికి తాను వేచి చూస్తున్నానని పేర్కొన్నారు. ఇక వీరితో పాటు సినిమా ఇండస్ట్రీకి చెందిన ఎంతో మంది ప్రముఖులు అల్లు అరవింద్కు పుట్టినరోజు శుభాకాంక్షలు తెలియజేశారు.