మంగు మచ్చలు ఈజీగా తగ్గాలంటే..?
మంగు మచ్చల వల్ల ముఖం చాలా అందవిహీనంగా కనిపిస్తుంది. ఈ మచ్చలు రావడానికి చాలా రకాల కారణాలు ఉంటాయి. ముఖ్యంగా ఎండలో ఎక్కువగా తిరగడం వల్ల కూడా మంగు మచ్చలు వస్తాయి. చర్మం లోపల మెలనోసైట్స్ అనేవి ఉంటాయి. అవి మెలనిన్ ను ఉత్పత్తి చేస్తాయి. చర్మంపై ఎక్కడైతే ఎండ ఎక్కువగా పడుతుందో ఆ భాగంలో మెలనోసైట్స్ స్టిమ్యులేటింగ్ హార్మోన్ అనేది ఉత్పత్తి అవుతుంది. . మెలనిన్ ఎక్కువగా ఉత్పత్తి అవ్వడం వల్ల ఆ భాగంలో చర్మం నల్లగా మారి మంగు మచ్చలు వస్తాయి.మంగు మచ్చలు ఉన్న భాగంలో తేనెను రాసి మర్దనా చేయాలి. ఇలా చేయడం వల్ల ఆ భాగంలో ఉండే ఇన్ ప్లామేషన్ తగ్గుతుంది. అలాగే నీటిని ఎక్కువగా తాగాలి. ఇలా చేయడం వల్ల క్రమంగా మంగు మచ్చలు తగ్గుతాయి.మంగు మచ్చలు తగ్గాలంటే ఈస్ట్రోజన్ హార్మోన్ ఎక్కువగా ఉత్పత్తి అవ్వాలి.దీని కోసం సోయా బీన్స్ ను ఎక్కువగా తీసుకోవాలి. సోయా బీన్స్ లో మొక్కలల్లో ఉండే ఫైటో ఈస్ట్రోజన్ ఎక్కువగా ఉంటుంది. దీనిని తీసుకోవడం వల్ల మనలో 40 నుండి 50 శాతం ఈస్ట్రోజన్ ఎక్కువగా ఉత్పత్తి అవుతుందని నిపుణులు పరిశోధనల ద్వారా వెల్లడించారు.
సోయా బీన్స్ ను తీసుకోవడం వల్ల ఈస్ట్రోజన్ స్థాయిలు పెరిగి మంగు మచ్చలు తగ్గుతాయి.ఈస్ట్రోజన్ హార్మోన్ స్థాయిలు తగ్గడం వల్ల హార్మోన్ అసమతుల్యత సమస్యలు ఏర్పడతాయి. దీంతో మగ్గు మచ్చుల వచ్చే అవకాశం ఉంది. కొందరిలో ప్రోజెస్టిరాన్ హార్మోన్ స్థాయిలు తక్కువగా ఉండడం వల్ల ఈ హార్మోన్ కు సంబంధించిన ఇంజెక్షన్ లను తీసుకుంటూ ఉంటారు. దీంతో కూడా మంగు మచ్చలు వచ్చే అవకాశం ఉంది. అలాగే ఒత్తిడి ఎక్కువగా ఉన్న వారిలో కూడా మంగు మచ్చలు వస్తూ ఉంటాయి. అలాగే గర్భిణీ స్త్రీలల్లో గర్భధారణ సమయంలో వచ్చే హార్మోన్ల అసమతుల్యతల కారణంగా కూడా మంగు మచ్చలు వస్తూ ఉంటాయి. మంగు మచ్చలతో బాధపడే వారు వాటిని తగ్గించుకోవడానికి రకరకాల ప్రయత్నాలు చేస్తూ ఉంటారు. కొందరు ఆయింట్ మెంట్ లను కూడా వాడుతూ ఉంటారు. ముఖంపై మంగు మచ్చలతో బాధపడే వారు ముందుగా ముఖానికి ఎండ తగలకుండా చూసుకోవాలి. ఎండలో బయటకు వెళ్లాల్సి వస్తే టోపి ధరించడం, గొడుగు పట్టుకోవడం, ముఖానికి నేరుగా ఎండ తగలకుండా తగిన జాగ్రత్తలు తీసుకోవడం చాలా అవసరం.