జుట్టుని పెంచే హెల్తీ హెయిర్ ప్యాక్స్ ఇవే?
ఈ చలికాలంలో మన చర్మంతో పాటు జుట్టు కూడా పొడిబారుతుంది. చల్లటి గాలులు, పొగమంచు వల్ల జుట్టు పొడిబారడం, జుట్టు చివర్లు చిట్లడం ఇంకా జుట్టు మృదుత్వాన్ని కోల్పోవడం వంటి సమస్యలు ఖచ్చితంగా ఎదురవుతాయి.చలికాలంలో చాలా మంది ఈ సమస్యను ఎదుర్కొంటూ ఉంటారు. ఈ షాంపులు, కండీష్ నర్ లను వాడడానికి బదులుగా కొన్ని సహజ సిద్దమైన హెయిర్ ప్యాక్ లను వాడడం వల్ల మంచి ఫలితం ఉంటుంది. ఈ హెయిర్ ప్యాక్ లను వాడడం వల్ల జుట్టు మృదువుగా ఇంకా అందంగా తయారవుతుంది. చలికాలంలో జుట్టు పొడిబారడాన్ని తగ్గించి జుట్టును మృదువుగా మార్చే హెయిర్ ప్యాక్ ల గురించి ఇప్పుడు మనం తెలుసుకుందాం.
జుట్టు పొడిబారడాన్ని తగ్గించడంలో అరటిపండు మనకు బాగా సహాయపడుతుంది. బాగా పండిన ఒక అరటిపండును మెత్తగా చేసి ఒక గిన్నెలోకి తీసుకోవాలి.ఆ తరువాత ఇందులో 2 టీ స్పూన్ల ఆలివ్ నూనె వేసి బాగా కలపాలి. తరువాత ఈ మిశ్రమాన్ని జుట్టుకు బాగా పట్టించి ఒక అరగంట పాటు అలాగే ఉంచాలి. తరువాత తలస్నానం చేసి మీ కండీషనర్ ను రాసుకోవాలి. ఇలా వారానికి రెండుసార్లు చేయడం వల్ల జుట్టు చాలా మృదువుగా తయారవుతుంది. ఇంకా అలాగే కోడిగుడ్డును వాడడం వల్ల కూడా జుట్టు పట్టులాగా తయారవుతుంది. ఒక గిన్నె తీసుకొని అందులో కోడిగుడ్డు తెల్లసొనను తీసుకోవాలి.ఆ తరువాత ఇందులో 2 టీ స్పూన్ల శనగపిండి, బాదం గింజల పొడి ఇంకా తగినంత గులాబి నీరు పోసి పేస్ట్ లాగా చేసుకోవాలి. దీనిని జుట్టు కుదుళ్ల నుండి చివరి దాకా బాగా పట్టించి అరగంట పాటు అలాగే ఉంచాలి. ఆ తరువాత రసాయనాలు తక్కువగా ఉండే షాంపుతో తలస్నానం చేయాలి.ఇలా చేయడం వల్ల జుట్టు గట్టిగా , ఆరోగ్యంగా తయారవుతుంది.
అదే విధంగా గుమ్మడికాయ గుజ్జును తీసుకుని అందులో తేనె వేసి దానిని మెత్తని పేస్ట్ లాగా చేసుకోవాలి. ఆ తరువాత ఈ పేస్ట్ ను జుట్టుకు పట్టించి 15 నిమిషాల పాటు అలాగే ఉంచాలి. తరువాత శుభ్రంగా తలస్నానం చేయాలి. ఇలా గుమ్మడికాయను వాడటం వల్ల కూడా జుట్టు మృదువుగా తయారవుతుంది. అలాగే మెంతులను వాడటం వల్ల కూడా జుట్టు పొడిబారడం తగ్గుతుంది. మెంతులకు కొబ్బరి పాలను తీసుకొని మెత్తని పేస్ట్ లాగా చేసుకోవాలి. ఆ తరువాత ఈ మిశ్రమాన్ని జుట్టుకు పట్టించి అరగంట పాటు అలాగే ఉంచాలి. తరువాత శుభ్రంగా తలస్నానం చేయాలి. ఇలా వారానికి రెండు సార్లు చేయడం వల్ల జుట్టు చాలా మృదువుగా తయారవుతుంది. ఈ విధంగా ఈ హెయిర్ ప్యాక్ లను వాడడం వల్ల జుట్టు ఎంతో మృదువుగా తయారవుతుంది.