వాళ్లకు జగన్ గుడ్ న్యూస్.. ఉచిత ఇళ్లు రెడీ?
టిడ్కో ఇళ్ల వద్ద మౌలిక సదుపాయాల పనులను కలెక్టర్, స్థానిక శాసనసభ్యులు ఆళ్ల రామకృష్ణారెడ్డి, ఎమ్మెల్సీ మురుగుడు హనుమంతరావులు పరిశీలించారు. విద్యుత్, రోడ్ల నిర్మాణం, తాగు, మురుగునీటి పనులను పరిశీలించిన కలెక్టర్ సంతృప్తి వ్యక్తం చేశారు. వేగంగా సాగుతున్నాయని సమీక్ష అనంతరం కలెక్టర్ చెప్పారు. మంగళగిరిలో కురుస్తున్న వర్షాల వల్ల తాగునీటి ట్యాంక్ నిర్మాణంలో ఆలస్యం జరుగుతోందన్నారు. వర్షాలు కురవకపోతే అక్టోబరు 2నుంచి దశల వారీగా గృహప్రవేశాలు నిర్వహించే వాళ్లమన్నారు. వాతావరణం అనుకూలించకపోవడంతో ఈనెల రెండో వారంలో గృహప్రవేశాలు జరుగుతాయన్నారు.