మార్కులు తక్కువ వేశారని.. టీచర్లను కట్టేసి కొట్టారు?
9వ తరగతి ఫలితాల్లో పాఠశాలలో 11 మంది విద్యార్థులకు ఫెయిల్ అయ్యారట. అందుకు కారణం ఈ టీచర్లేనని భావించిన విద్యార్థులు ఉపాధ్యాయులతో పాటు క్లర్క్ ను కూడా చెట్టుకు కట్టేసి కొట్టారు. తమను ఎందుకు ఫెయిల్ చేశారంటూ.. విద్యార్థులు ఆగ్రహంతో ఊగిపోయారు. ఈ వీడియోలు ఇప్పుడు వైరల్ గా మారాయి. టీచర్లు కావాలనే ప్రాక్టికల్ పరీక్షలో తక్కువ మార్కులు వేశారని విద్యార్థులు మండిపడుతున్నారు. వీడియో వైరల్ గా మారడంతో జిల్లా అధికారులు విచారణకు ఆదేశించారు. మొత్తానికి టీచర్లను కొట్టిన ఈ ఘటన సోషల్ మీడియాను ఊపేస్తోంది.