విజయనగరం లో భారీ అగ్నిప్రమాదం ..మంటల్లో 30 ఇల్లు ..పేలుతున్న సిలిండర్లు ??
ఆంధ్రప్రదేశ్ లోని విజయనగరం జిల్లాలో శుక్రవారం సాయంకాలం భారీ అగ్నిప్రమాదం సంభవించింది . మెంటాడ మండలం బక్కువ లోని కూరకుల వీధిలో భారీగా అగ్ని ప్రమాదం చోటు చేసుకుంది. ఈ ప్రమాదంలో దాదాపుగా 30 ఇళ్లకుపైగా అగ్నికి ఆహుతి అయ్యాయి. కోట సోలినాయుడు అనే గ్రామస్తుడి ఇంటి లో గ్యాస్ సిలిండర్ లీకు అవ్వడంతో మంటలు ఒక్కసారిగా చెలరేగాయి. ఈ మంటల కారణంగా పక్క ఇళ్ల లోని సిలిండర్లు కూడా వెంటవెంటనే నిప్పంటుకుని మంటలు చెలరేగాయి.