విజయం మీదే: మానవత్వమా... బ్రతికున్నావా ?
ఒకటి రెండు లోపాలున్నాయని మొత్తం మానవత్వం మీదే నమ్మకాన్ని పోగుట్టుకోకూడడు. మానవత్వం మహా సముద్రం లాంటిది ఒడ్డున కాసిన్ని మురికి నీళ్ళు కలిసినంత మాత్రాన మొత్తం సముద్రాన్నే మురికిగా మార్చలేవు. అదే విధంగా ఒకరిద్దరిలో మానవత్వం నశించింది కదా అని ప్రపంచమంతా అలాగే ఉందని నిరాశ చెంది మనము అందరి లాగే జీవిద్దాం. అందరికీ జరిగిందే మనకి జరుగుతుందని అనుకునే వాళ్లు లేకపోలేదు. కానీ ఇలాగే కొనసాగితే నిజంగా మానవత్వం అనే పదాన్ని డిక్షనరీలో వెతుక్కోవాల్సి వస్తుంది. మానవత్వం మళ్ళీ పూర్తిగా పరిమళించాలి అంటే అది ఎవరి చేతిలోనో లేదు.
మన చేతిలోనే ఉంది. తల్లితండ్రులు, ఉపాధ్యాయులు ఒకరకంగా రేపటి సమాజాన్ని ప్రభావితం చేయగల ప్రముఖ వ్యక్తులు. తల్లితండ్రులు తమ పిల్లలకు, గురువులు తమ శిష్యులకు మానవత్వం యొక్క విలువలు, విశిష్టతను ఎప్పటికప్పుడు తెలియచేస్తూ చిన్నప్పటి నుండే వారు అనుసరించేలా చేయాలి. ప్రయత్నం అనేది మొదలుపెడితే మనం కోరుకున్న మార్పు తప్పనిసరిగా వస్తుంది. కాబట్టి మీ చుట్టూ ఉన్న వారిలో మీ మంచితనంతో మానవత్వంతో మనుషులుగా మార్చండి. నలుగురిని వారు మార్చేలా ప్రేరేపించండి.