ఉసిరికాయ రసం
కావలసిన పదార్థాలు :
ఉసిరికాయలు : 8
ఎండుమిర్చి : 2
ఆవాలు : పావు టీ.స్పూను
జీలకర్ర : పావు టీ.స్పూను
వెల్లుల్లి : 5 రెబ్బలు
ధనియాల పొడి : ఒకటిన్నర టీ. స్పూను
మిరియాల పొడి : పావు టీ. స్పూను
కరివేపాకు : రెండు రెమ్మలు
కొత్తిమీర : ఒక కట్ట
ఉప్పు : తగినంత
పప్పు తేట : గరిటెలు
తయారీ విధానం :
ఉసిరికాయలను రెండుగా విడదీసి ఆ ముక్కల్లో రెండుగ్లాసుల నీళ్లు పోసి ఉడికించి, తరవాత వడగట్టాలి. విడిగా ఓ గిన్నెను తీసుకుని కొద్దిగా నూనెవేసి ఆవాలు, జీలకర్రలతో తాలింపుపెట్టి అందులో పప్పుతేట, వడగట్టిన ఉసిరిరసం కలిపి స్టవ్‌మీద పెట్టాలి. రసం కాస్త మరగగానే దంచిన వెల్లుల్లి, ధనియాలపొడి, మిరియాలపొడి, కొత్తిమీర, కరివేపాకు వేసి 5 నిమిషాల తరువాత దించాలి. చివరగా ఉప్పు సరిచూడాలి. ఇది అన్నంలోకి, ఇడ్లీలలోకి చాలా రుచిగా ఉంటుంది. మీరూ ట్రై చేయండి మరి..!!