వీడియో కోసం అన్నం పెట్టిన యువతి.. చెంప పగలగొట్టిన కోతి?
ఇంస్టాగ్రామ్ లో రీల్స్ కోసం కొంతమంది.. ఇక యూట్యూబ్లో షార్ట్స్ కోసం మరికొంతమంది ఏకంగా ఎక్కడ లేని సేవా కార్యక్రమాలు చేస్తున్నట్లుగా బిల్డప్ ఇచ్చేస్తూ ఉన్నారు అని చెప్పాలి. ఇక అన్ని పనులను పక్కనపెట్టి రోజు వీడియోల కోసమే అందమైన డ్రెస్ వేసుకొని బాగా మేకప్ వేసుకొని వీడియోలు చేస్తున్న వారు కూడా కొంతమంది. అయితే కొంతమంది ఇక జంతువులకు ఆహారాన్ని అందిస్తున్నాము అన్నట్లుగా వీడియోలు చేసి ఇక సోషల్ మీడియాలో నెటిజెన్స్ దృష్టిని ఆకర్షించాలని అనుకుంటారు. ఇక్కడ ఒక యువతి కూడా ఇలాంటిదే చేయాలని ప్రయత్నం చేసింది.
కాని చివరికి ఆ యువతి ప్రయత్నం కాస్త బెడిసి కొట్టింది అని చెప్పాలి. ఏకంగా కోతికి అన్నం పెట్టేందుకు ప్రయత్నించిన యువతి చెంప పగిలిపోయింది. కోతులు ఎప్పుడు ఎలా స్పందిస్తాయి అన్నది ఊహించడం చాలా కష్టం. ఇక్కడ ఇలాంటిదే జరిగింది. కోతులతో ఫ్రెండ్లీగా ఉండాలి అనుకున్న యువతికి చెంప పగిలిపోయింది. వైరల్ గా మారిపోయిన వీడియోలో చూసుకుంటే.. ఒక యువతి ఏకంగా కోతికి అన్నం పెట్టేందుకు ప్రయత్నిస్తుంది.. పక్కనే ఒక యువతి సెల్ ఫోన్ పట్టుకుని వీడియో తీస్తుంది. అయితే రీల్స్ కోసమే ఇదంతా చేస్తున్నారని కోతికి అర్ధమైందో ఏమో.. వెంటనే వచ్చి యువతి చెంప చెల్లుమనిపించింది. దీంతో ఒకసారిగా భయపడిపోయిన యువతి అక్కడి నుంచి పారిపోయింది.