സ്ട്രോ ബിരിയാണി കഴിക്കാൻ പാകിസ്താനിലേക്കു പോകാം!

Divya John
സ്ട്രോ ബിരിയാണി കഴിക്കാൻ പാകിസ്താനിലേക്കു പോകാം! തലശ്ശേരി ബിരിയാണി, ഹൈദരാബാദി ബിരിയാണി തുടങ്ങിയ പ്രശസ്തമായ ബിരിയാണികൾ ഒക്കെ രുചിച്ചു നോക്കിയവരാണ് ഒട്ടുമിക്ക ആൾക്കാരും. എന്നാൽ പിന്നെ ഒരു വെറൈറ്റി പിടിച്ചു നോക്കാം. ? സ്ട്രോബിരിയാണി, ആയാൽ എങ്ങനെ ആയിരിക്കും? താല്പര്യമുണ്ടെങ്കിൽ നേരെ പാകിസ്താനിലേക്ക് വച്ച് പിടിക്കാം. സാദ് എന്ന് പേരുള്ള പാകിസ്ഥാനിലെ തലസ്ഥാന നഗരമായ ഇസ്ലാമാബാദിലെ ഭക്ഷണശാലയാണ് സ്ട്രോബിരിയാണി തയ്യാറാക്കിയിരിക്കുന്നത്.

ഹോട്ടലിന്റെ ട്വിറ്റെർ പേജിലാണ് സ്ട്രോബെറി ചേർത്ത ബിരിയാണിയുടെ ഫോട്ടോ പോസ്റ്റ് ചെയ്തിരിക്കുന്നത്. ഒരു വലിയ ചെമ്പിൽ തയ്യാറാക്കിയിരിക്കുന്ന ബിരിയാണിയിലാണ് സ്ട്രോബെറി ഗാർണിഷ് ചെയ്തിരിക്കുന്നത്. യഥാർത്ഥത്തിൽ ബിരിയാണിയിൽ സ്ട്രോബെറി ഇട്ടു തയ്യാറാക്കിയതാണോ അതോ ബിരിയാണി ഉണ്ടാക്കിയതിന് ശേഷം സ്ട്രോബെറി ഭംഗിക്കായി ചേർത്തതാണോ എന്ന് വ്യക്തമല്ല. 

നിരവധി പേരാണ് സ്ട്രോബിരിയാണിയുടെ പോസ്റ്റ് റീട്വീറ്റ് ചെയ്തു വൈറൽ ആക്കിയിരിക്കുന്നത്. അതെ സമയം ബിരിയാണി സ്ട്രോബെറി കോമ്പിനേഷൻ തീരെ പിടിക്കാത്തവരും ധാരാളമുണ്ട്. "ചിക്കനും, ബസുമതി അറിയും, സ്ട്രോബെറിയും ഇതൊരു ഫുൾ കോഴ്സ് ഡിന്നർ പോലുണ്ടല്ലോ" ഒരു ട്വിറ്റെർ ഉപഭോക്താവ് കുറിച്ചു. മിക്കവാറും ഇനി ആരെങ്കിലും പൈൻആപ്പിൾ ബിരിയാണിയും, ചക്ക ബിരിയാണിയുമൊക്കെയായി ഉടനെയെത്തും," മറ്റൊരാൾ കുറിച്ചു. “ഞങ്ങൾ ഇന്ന് വീട്ടിൽ സ്ട്രോബിരിയാണി ഉണ്ടാക്കി, ട്വിറ്റർ ഉപഭോക്താക്കൾക്ക് ഇതിനെക്കുറിച്ച് എന്താണ് പറയാനുള്ളതെന്ന് അറിയാൻ എനിക്ക് കൗതുകമുണ്ട്” സ്ട്രോബിരിയാണിയുടെ ചിത്രത്തോടൊപ്പം സാദ് പോസ്റ്റിന് അടിക്കുറിപ്പിൽ ചേർത്തു.

ബസുമതി അരിയും, കോഴിയും, സുഗന്ധ വ്യഞ്ജനങ്ങളും എല്ലാം കൂടെ ഒരുക്കുന്ന ഒരു മണമുണ്ടല്ലോ? അതാണ് ബിരിയാണിയെ ബിരിയാണി ആക്കുന്നത് എന്ന് പറയാതെ വയ്യ. പക്ഷെ ടോപ്പിംഗ് ആയി ചോക്ളേറ്റിന്റെ രുചിയുള്ള ന്യുട്ടെല്ലയും കൂടി ഒഴിച്ച് ഇളക്കി കഴിച്ചാൽ ശെരി ആകുമോ? മുസ്ലിം മീംസ് എന്ന ഫേസ്ബുക് പേജ് ആണ് ന്യുട്ടെല്ല ബിരിയാണിയുടെ ചിത്രങ്ങൾ പങ്കുവച്ചത്. "ന്യുട്ടെല്ല ബിരിയാണിയുടെ വരവിനെപ്പറ്റി നിങ്ങൾ എത്രത്തോളം ആകാംഷാഭരിതരാണ് എന്ന ചോദ്യവുമായാണ് ചിത്രം പോസ്റ്റ് ചെയ്തത്.ഇതാദ്യമായല്ല വെറൈറ്റി ബിരിയാണികൾ ശ്രദ്ധ നേടുന്നത്. കഴിഞ്ഞ വർഷം ലോക്ക് ഡൗൺ സമയത്ത് ശ്രദ്ധനേടിയ ന്യുട്ടെല്ല ബിരിയാണി ശ്രദ്ധ നേടിയിരുന്നു. 

Find Out More:

Related Articles: