വേണുവിന്റെ മകളല്ലേ എന്ന് ചോദിക്കുമ്പോൾ അതിൽപരം അഭിമാനം വേറൊന്നില്ല: സാധിക!
വേണുവിന്റെ മകളല്ലേ എന്ന് ചോദിക്കുമ്പോൾ അതിൽപരം അഭിമാനം വേറൊന്നില്ല: സാധിക! 1981 അച്ഛൻ സംവിധാനം ചെയ്ത ഇളനീർ എന്ന സിനിമയിലെ ജാനകി അമ്മ ആലപിച്ചു അമ്മയും, ശ്രീനിഅങ്കിളും നെടുമുടി അങ്കിളും ചേർന്ന് അഭിനയിച്ച ഈ മനോഹരമായ ഗാനം യൂട്യൂബിൽ ഓഡിയോ ആയി കേട്ടിട്ടുണ്ടെങ്കിലും ആദ്യമായി ആണ് വീഡിയോ ആയി കിട്ടുന്നത്. 30വർഷങ്ങൾക്കപ്പുറം ഇന്ന് ഞാനും ഈ ഇൻഡസ്ടറിയുടെ ഭാഗമായി നിൽക്കുമ്പോൾ ഒരുപാട് സന്തോഷവും അഭിമാനവും തോന്നിയ നിമിഷം അതുകൊണ്ട് തന്നെ ആ സന്തോഷം പങ്കു വക്കാൻ ഇത് ഇവിടെ പോസ്റ്റ് ചെയ്യുന്നു.
ടെലിവിഷനിലും ബിഗ് സ്ക്രീനിലുമൊക്കെയായി തിളങ്ങി നിൽക്കുന്ന താരമാണ് സാധിക വേണുഗോപാൽ. സോഷ്യൽ മീഡിയയിൽ സജീവമായ സാധിക പങ്കിടുന്ന വിശേഷങ്ങളെല്ലാം പെട്ടെന്ന് തന്നെ ശ്രദ്ധ നേടാറുണ്ട്. അച്ഛനും അമ്മയും ഒന്നിച്ച് പ്രവർത്തിച്ച സിനിമയായ ഇളനീരിലെ ഗാനം പങ്കിട്ടെത്തിയിരിക്കുകയാണ് സാധിക വേണുഗോപാൽ. മലയാള സിനിമയുടെ സുവർണ കാലത്തിന്റെ ഭാഗമായ മാതാപിതാക്കളും അവരുടെ ജീവിത അനുഭവങ്ങളും ആണ് ഞാൻ എന്ന വ്യക്തിയുടെ വിജയം. മലയാള സിനിമയെ ഞാൻ അറിയുന്നതും മനസിലാക്കുന്നതും അച്ഛനിലൂടെ ആണ്.
കെഎസ് സേതുമാധവൻ സർ ന്റെ അസോസിയേറ്റ് ആയി മഞ്ഞിലാസ് എന്ന പ്രൊഡക്ഷൻ കമ്പനിയിൽ നിന്ന് മാറി ഒരു സ്വതന്ത്ര സംവിധായകൻ ആയി സിനിമയെ സ്വപ്നം കണ്ടു ഈ ഒരു സിനിമ സ്വന്തമായി ചെയ്യാനും അത് റിലീസ് ചെയ്യിക്കാനും അച്ഛൻ അനുഭവിച്ച കഷ്ടതകളും അതിനപ്പുറം ഈ മേഖലയിൽ ഉണ്ടായപ്പോൾ ഉള്ള അനുഭവങ്ങളും പറഞ്ഞു കേട്ടും പിന്നീട് ജനിച്ചപ്പോൾ മുതൽ കണ്ടും വളർന്നത് കൊണ്ട് സിനിമയോടും ആ മേഖലയോടും കാര്യമായ മോഹം ഒരിക്കലും തോന്നിയിട്ടില്ല.
ഇന്നും സീനിയർ ആളുകൾ ഉള്ള സെറ്റുകളിൽ പോകുമ്പോൾ വേണുവിന്റെ മകളല്ലേ എന്ന് ചോദിക്കുമ്പോൾ അതിൽപരം അഭിമാനം വേറൊന്നില്ല. എന്നും അച്ഛന്റെയും അമ്മയുടെയും മകളായി ഇതുപോലെ മുന്നോട്ടു പോകാൻ സാധിക്കട്ടെ എന്നെ പ്രാർത്ഥന മാത്രം. പക്ഷെ വർഷങ്ങൾക്ക് അപ്പുറം വിധി എനിക്കായി ഒരുക്കിയത് അവരുടെ സ്വപ്നങ്ങൾ യാഥാർഥ്യം ആക്കാനുള്ള അവസരം ആയപ്പോൾ ഞാനും ഈ ജോലി ഇഷ്ടപ്പെട്ടുതുടങ്ങി.