అందుకే విహారిని కెప్టెన్సీ నుంచి తప్పించాం : ACA
ఇక అలాంటి అనుభవజ్ఞుడిని ఏకంగా ఆంధ్ర క్రికెట్ అసోసియేషన్ సారధిగా ఇటీవల తప్పిస్తూ నిర్ణయం తీసుకుంది. అయితే ఇలా కెప్టెన్ గా తప్పించడం పై హనుమ విహారి సంచలన ఆరోపణలు చేశాడు. ఒక రాజకీయ నాయకుడి కొడుకుపై అరవడంతోనే ఇక తనను ఇలా కెప్టెన్సీ నుంచి తప్పించారు అంటూ ఆరోపించాడు. ఇన్నేళ్ల నుంచి ఆంధ్ర జట్టుకు ప్రాతినిధ్యం వహిస్తున్న తనకు ఇదేనా మీరు ఇచ్చే గౌరవం అంటూ ప్రశ్నించాడు. ఇకనుంచి ఆంధ్ర ఆంధ్ర జట్టు తరఫున ఆడబోను అంటూ స్పష్టం చేశాడు హనుమ విహారి.
అయితే హనుమ విహారి చేసిన కామెంట్స్ కాస్త వైరల్ గా మారిపోగా.. ఇక ఈ తెలుగు క్రికెటర్ చేసిన వ్యాఖ్యలపై ఆంధ్ర క్రికెట్ అసోసియేషన్ స్పందించింది. హనుమ విహారి ఒక క్రికెటర్ను దూషించడం.. మా దృష్టికి వచ్చింది. అయితే ఇండియాకు ఆడుతూ ఉండడంతో అతడు జట్టుకు పూర్తి స్థాయిలో అందు బాటులో ఉండలేడు అనే ఉద్దేశం తోనే అతన్ని జట్టు కెప్టెన్సీ నుంచి తప్పించాం. దీనికి విహారి కూడా ఒప్పుకున్నాడు. అయితే గతం లో కూడా అతని పై ఎంతో మంది ఫిర్యాదు చేశారు ఇక ఆ సమయం లో క్షమాపణలు చెప్పడంతో ఇక మళ్ళీ అతని జట్టులో కొనసాగించామంటూ ఆంధ్ర క్రికెట్ అసోసియేషన్ తెలిపింది.