టీమ్ ఇండియాతో టెస్ట్ మ్యాచ్.. బెన్ స్టోక్స్ ఏమన్నాడో తెలుసా?
అదే సమయంలో ఇప్పుడు కొత్త సారధి బెన్ స్టొక్స్ సారథ్యంలో ఇంగ్లాండ్ బరిలోకి దిగబోతోంది అని తెలుస్తోంది. ఇక ఇంగ్లాండ్ జట్టులో కీలక ఆటగాళ్లు గా కొనసాగుతున్న మాజీ కెప్టెన్ జో రూట్, బెయిర్ స్టో, బెన్ స్టోక్స్ ఫుల్ ఫామ్ లోకి వచ్చారు. ఇటీవలే న్యూజిలాండ్తో జరిగిన టెస్టు సిరీస్లో భాగంగా సెంచరీలతో చెలరేగిపోయారు. బౌలర్ల పై వీరవిహారం చేశారు. ఇలాంటి పరిస్థితుల నేపథ్యంలో ఎంతో ఆత్మవిశ్వాసాన్ని కూడగట్టుకుంది ఇంగ్లాండ్ జట్టు. ఈ క్రమంలోనే ఇక టీమిండియాతో జూలై ఒకటో తేదీ నుంచి ప్రారంభం కాబోయే టెస్ట్ మ్యాచ్ గురించి ఇంగ్లాండ్ కెప్టెన్ బెన్ స్టోక్స్ ఆసక్తికర వ్యాఖ్యలు చేశాడు.
న్యూజిలాండ్తో జరిగిన టెస్ట్ సిరీస్ లో తమ జట్టు ఎలాగయితే రాణించిందో ఇక టీమిండియాతో జరగబోయే టెస్ట్ మ్యాచ్లో కూడా అదే దూకుడును కొనసాగిస్తాం మంచి ప్రదర్శన చేస్తాము అంటూ ధీమా వ్యక్తం చేశాడు. న్యూజిలాండ్తో ఏ విభాగాల్లో మా జట్టు రాణించిందో వాటిపై మరింత దృష్టి సారించి టీమిండియా పై చేయి సాధించేందుకు ప్రయత్నిస్థాము అంటూ చెప్పుకొచ్చాడు. ఇటీవలే న్యూజిలాండ్ తో టెస్టు సిరీస్ లో భాగంగా మొదటి రెండు మ్యాచ్లు ఎంతో అలవోకగా గెలిచిన ఇంగ్లాండ్ జట్టు మూడో టెస్ట్ మ్యాచ్ గెలుపు కోసం మాత్రం తీవ్రంగా కష్ట పడాల్సిన పరిస్థితి ఏర్పడిందని చెప్పాలి.