ఈ మధ్య కాలంలో పండగలకు, బర్త్డేలకు స్పెషల్ డేలకు స్నేహితులకు, బంధువులకు, ప్రేమికులకు బహుమతులు ఇవ్వడం సర్వసాధారణంగా మారింది. అదేవిధంగా వారు కూడా ఎన్నో బహుమతులను స్వీకరిస్తుంటారు. ఈ గిఫ్ట్ లు గురించి ఒకసారి పరిశీలిస్తే ఇది ప్రాచీన కాలం నుండి వచ్చిన సంప్రదాయం. మొదట్లో ఈ బహుమతులను కేవలం వివాహం మరియు పుట్టినరోజు, నామకరణం సందర్భాలలో మాత్రమే ఇచ్చేవారు.
కానీ ఇప్పుడు ప్రతిదానికి గిఫ్ట్ ఇవ్వడం అనేది చాలా సర్వ సాధారణంగా మారిపోయింది. ఒకరకంగా చెప్పాలంటే ఇప్పుడు అదొక ఫ్యాషన్ అయిపోయిందనే చెప్పాలి. అయితే ఈ గిఫ్ట్లు కూడా ఇప్పుడు చూసి చాలా జాగ్రత్తగా ఇవ్వాలంటున్నారు కొందరు పెద్దలు. ఇవ్వడమేకాదండి. మనం తీసుకునేటప్పుడు కూడా అవే జాగ్రత్తలు పాటించాలి మరి. అవేంటో ఇప్పుడు చూద్దాం.
పాత పుస్తకాలు..
మనలో చాలా మంది పాత పుస్తకాలను పేద పిల్లలకు లేదా ఇతరులకు దానం చేస్తుంటాము. కానీ మన పుస్తకాలను మనం ఎప్పుడూ విరాళాలుగా ఇవ్వకూడదట. ఇవి పుస్తకాలు కాబట్టి మనం జ్ఞానం మరియు విజయాన్ని పొందుతాము. అందువల్ల వాటిని దానం ఇవ్వడం అంటే మీరు కష్టపడి సంపాదించిన జ్ఞానం మరియు విజయాన్ని ఇచ్చినట్టే అవుతుంది. అందుకే మనం కొత్త పుస్తకాలను దానం చేయాలి. పాత వాటిని దానం చేయకపోవడమే మంచిది.
అక్వేరియం మరియు ఫౌంటేన్ వస్తువులు..
చాలా మందికి వాటర్ అక్వేరియం అంటే చాలా ఇష్టం. అందుకే అక్వేరియం ఫిష్ బౌల్స్ ను బహుమతులుగా ఇస్తుంటారు. వాటితో ఫౌంటెన్ వస్తువులను కూడా గిఫ్టులుగా ఇస్తారు. ఇది మీ అదృష్టానికి బాగా సహాయపడుతుంది. కానీ మీకు సంబంధించిన ఆర్థిక విషయాలలో నష్టాలను చేకూరుస్తుంది. అందుకే ఇలాంటి వాటి పట్ల ఇకనుండైనా జాగ్రత్తలు పాటించండి.
దేవుని ప్రతిమ మరియు విగ్రహాలు..
చాలా మంది ఎవరైనా తమ నూతన ఇంటి ప్రవేశానికి ఆహ్వానిస్తే మరియు అనేక పవిత్రమైన సందర్భాలలో దేవుని ప్రతిమను లేదా విగ్రహాలను బహుమతులుగా ఇస్తుంటారు. కాని ఇది మంచిది కాదు. ఈ బహుమతి మీరు ఎవరికైనా ఇచ్చినప్పుడు దాన్ని స్వీకరించిన వారు కూడా దానికి సరైన బహుమతి ఇవ్వాలి. దీనిపై మీకు అవగాహన లేకపోతే అంతే సంగతులు. ఎందుకంటే ఇలా ఈ ప్రతిమలను లేదా దేవుని విగ్రహాలను బహుమతిగా ఇచ్చినప్పుడు మరియు స్వీకరించినప్పుడు ఇద్దరికి చెడు జరిగే అవకాశముంది. అందుకే ఈ బహుమతిని ఇచ్చేటప్పుడు, సంరక్షణ బహుమతిని సరైన పద్ధతిలో ఇవ్వండి.