తులసి మొక్క మీ ఇంట్లో ఉందా ? ఈ జాగ్రత్తలు పాటించండి ?
* తులసి మొక్క ఎప్పుడూ ఇంటి పెరటి వైపునే ఉండాలి, వీధి గుమ్మం వైపు ఉండరాదు. ఎందుకంటే దైవత్వం కలిగిన తులసి మొక్కకు నరదృష్టిని గ్రహించే శక్తి ఉంటుందని పురాణాలు చెబుతున్నాయి. కాబట్టి మన ఇంటికి తగిలే నరదృష్టి గ్రహించి మన ఇంటి దరిదాపుల్లోకి ఆ కీడు వాటిల్లకుండా ఆపుతుంది.
* ఉదయాన్నే స్నానం చేసిన తర్వాత మాత్రమే తులసి మొక్కకు నీళ్లు పోయాలి. కంచు చెంబుతో నీటిని తీసుకొని కుడిచేతితో తులసి మొక్కకు నీరు పోయాలి.
* తులసి మొక్కలు రెండు రకాలు ఉంటాయి అన్న విషయం అందరికీ తెలిసిందే. పచ్చ కొమ్మలు కలిగి ఉన్నది లక్ష్మి తులసి, నలుపు రంగు కొమ్మలు కలిగి ఉన్నది కృష్ణ తులసి. ఈ రెండు మొక్కలను కలిపి ఒకే కోటలో పెంచడం ద్వారా ఇంటికి మరింత మంచి జరుగుతుందని శాస్త్రాలు చెబుతున్నాయి.
* అపవిత్రమైన స్త్రీలు తులసి మొక్కను తాకరాదు, పొరపాటున కూడా తులసీ దళాలను తుంచకూడదు.
* సాధారణంగా ప్రత్యేకమైన పూజలు నిర్వహించే టప్పుడు తులసి దళాలు దేవుళ్ళ ముందు ఉంచుతాం, తులసిమాలలతో దేవుళ్ళను అలంకరిస్తారు. కానీ మనం నిత్యం పూజ చేసే తులసి మొక్క నుండి మాత్రం తులసీ దళాలను తుంచరాదు, ఇది మహా పాపం.
ఈ తప్పులను జరగకుండా చూసుకోవాలి అప్పుడే ఆ లక్ష్మీ కటాక్షం మనపై ఉంటుంది.