ట్రోల్స్ పై స్పందించిన కేఎల్ రాహుల్.. ఏమన్నాడో తెలుసా?
సాధారణంగా టి20 ఫార్మాట్లో బ్యాట్స్మెన్లు ఎంతో దూకుడుగా ఆడాల్సి ఉంటుంది. ఆడిన బంతులతో పోల్చి చూస్తే అటు రన్స్ డబుల్ లేదా త్రిబుల్ ఉండాలి. కానీకేఎల్ రాహుల్ మాత్రం పరుగులు చేస్తున్న.. ఎంతో నెమ్మదిగా ఆడుతూ ఎక్కువ బంతులను తినేస్తున్నాడు. దీంతో ఇక ఆ తర్వాత వచ్చిన బ్యాట్స్మెన్లు ఒత్తిడిలో కూరుకు పోతున్నారు అని చెప్పాలి. దీంతో ఇక కె.ఎల్ రాహుల్ టి20 ఫార్మాట్ ఆడుతున్నాడు అన్న విషయాన్ని మరిచిపోయినట్టున్నాడు అంటూ కొంతమంది విమర్శలు చేస్తున్నారు. ఈ క్రమంలోనే తనపై వస్తున్న ట్రోల్స్ పై ఇటీవల కేఎల్ రాహుల్ స్పందించాడు.
ఇటీవలే ఒక స్పోర్ట్స్ ఛానల్ లో పాల్గొన్న కేఎల్ రాహుల్ ట్రోల్స్ గురించి మాట్లాడాడు. తనపై వస్తున్న ట్రోల్స్.. కొన్ని కొన్ని సార్లు తనను ప్రభావితం చేస్తాయి అంటూ చెప్పుకొచ్చాడు. అయితే ఎవరు బ్యాడ్ గా పెర్ఫార్మన్స్ ఇవ్వాలని అనుకోరు అంటూ కేఎల్ రాహుల్ చెప్పుకొచ్చాడు. నాకు క్రికెట్ తప్ప ఇంకా ఏది తెలియదు. అయితే నా ఆటపై నాకు పెద్దగా సీరియస్ నెస్ లేదని.. తగినంత కష్టపడటం లేదని ఎంతోమంది విమర్శలు చేస్తూ ఉంటారు. కానీ నేను చాలా కష్టపడతాను కానీ అందుకు తగ్గ ఫలితం దక్కదు అంటూ కేఎల్ రాహుల్ చెప్పుకొచ్చాడు.