అతనిలో బౌలరే కాదు.. పవర్ హిట్టర్ కూడా ఉన్నాడు : వాట్సన్
అయితే ఐపీఎల్ లో ప్రస్తుతం ఢిల్లీ క్యాపిటల్స్ జట్టు అటు పేలవమైన ప్రదర్శనతో వరుసగా ఓటములు చవిచూస్తూ ఉంటే.. అటు జట్టులో ఆల్ రౌండర్ గా కొనసాగుతున్న అక్షర్ పటేల్ మాత్రం బౌలింగ్లో మాత్రమే కాకుండా బ్యాటింగ్ లో కూడా రాణిస్తూ వున్నాడు అని చెప్పాలి. ఢిల్లీ జట్టు ఓడిపోతున్న అటు అక్షర్ పటేల్ మాత్రం తన బ్యాట్ తో విధ్వంసం సృష్టిస్తూ ఉన్నాడు ఈ క్రమంలోనే అక్షర్ పటేల్ పై ఆ జట్టు అసిస్టెంట్ కోచ్ షేన్ వాట్సన్ ప్రశంసలు కురిపించాడు.
కొన్నాళ్లపాటు మనం అక్షర్ పటేల్ను కేవలం మంచి బౌలర్గా మాత్రమే చూశాము. కానీ తర్వాత అతను బ్యాటింగ్ లో కూడా అదరగొడుతూ మ్యాచ్ విన్నర్ గా మారాడు అంటూ షేన్ వాట్సన్ పేర్కొన్నాడు. అయితే ఈ సీజన్లో ఢిల్లీ క్యాపిటల్స్ ఆడిన ఆరు మ్యాచ్ లలో కూడా ఐదు మ్యాచ్ లలో ఓటమిపాలు అయినప్పటికీ అక్షర పటేల్ 16, 36, 2, 54, 21, 19 పరుగులతో తనదైన ఆట తీరు కనబరిచాడు అంటూ వాట్సన్ చెప్పుకొచ్చాడు. అయితే అక్షర్ పటేల్ లో కేవలం మంచి బౌలర్ మాత్రమే కాదు వరల్డ్ క్లాసు పవర్ హిట్టర్ బ్యాటర్ కూడా ఉన్నాడు అంటూ ప్రశంసించాడు. ఇటీవల ఆస్ట్రేలియాపై టెస్టు సిరీస్ లో కూడా అక్షర్ ఎలా ఆడాడో మనం చూసాం.ఇప్పుడు ఐపీఎల్ లోను రాణిస్తున్నాడు అంటూ చెప్పుకొచ్చాడు.